قازاقستاندىق بەلگىلى كاسىپكەر مارعۇلان سەيسەنباي ۋكراينا پرەزيدەنتى زەلەنسكيمەن كەزدەسكەنى تۋرالى فەيسبۋكتاعى ءوز الەۋمەتتىك پاراقشاسىندا جاريالادى. ول ەندى بيزنەس قانا ەمەس، مەملەكەتتىك باسقارۋ ءىسىن جەتىلدىرۋدە جۇمىس ىستەۋگە بار كۇش-جىگەرىن جۇمساعىسى كەلەتىندىگىن، جاقىن ارادا ەلگە ورالا قويماسىن مالىمدەدى. تومەندە ءوز جازباسى تولىقتاي بەرىلدى. قازاقستاندىق بەلگىلى كاسىپكەر مارعۇلان سەيسەنباي ۋكراينا پرەزيدەنتى زەلەنسكيمەن كەزدەسكەنى تۋرالى فەيسبۋكتاعى ءوز الەۋمەتتىك پاراقشاسىندا جاريالادى. ول ەندى بيزنەس قانا ەمەس، مەملەكەتتىك باسقارۋ ءىسىن جەتىلدىرۋدە جۇمىس ىستەۋگە بار كۇش-جىگەرىن جۇمساعىسى كەلەتىندىگىن، جاقىن ارادا ەلگە ورالا قويماسىن مالىمدەدى. تومەندە ءوز جازباسى تولىقتاي بەرىلدى.
بۇگىن ۋكراينانىڭ پرەزيدەنتى ۆلاديمير زەلەنسكيمەن كەزدەستىم. ونىمەن جانە ونىڭ كومانداسىمەن ءبىر ساعاتتاي اڭگىمەلەستىك. مەن ونى رەفورمالاردى ەندىرۋ پروتسەسى مەن زاڭ شىعارۋ سالاسىنىڭ تيىمدىلىگىن ارتتىرۋ بويىنشا ۇسىنىستارىممەن تانىستىردىم. وعان ءبارى قاتتى ۇنادى. پرەزيدەنت ايتقاندارىمنىڭ ءبارى قاجەت ءارى ماڭىزدى ەكەنىن العا تارتتى دا، مۇنىڭ بارلىعى "كەشەدەن" بەرى كەرەك بولعانىن ايتتى. تەزدەتۋدى سۇرادى. مەن جۇمىسقا دەرەۋ كىرىسۋگە ۋادە ەتتىم. سول سەبەپتى الداعى ۋاقىتتا قازاقستانىما ورالا المايمىن. وسى جەردە ۇزاق ۋاقىتقا قالىپ قوياتىنىمدى سەزىپ تۇرمىن. جۇمىس كوپ، قىزىق ءارى ءبىراز تەر توگۋدى قاجەت ەتەتىن جۇمىس.
زەلەنسكي ماعان ادام رەتىندە قاتتى ۇنادى. اشىق، تارتىمدى، سىپايى ەكەن. ادامدى وتە مۇقيات تىڭدايدى. ەلى ءۇشىن جانى قاتتى اشيدى.
ارا-اراسىندا ۋكرايناداعى ومىرىمنەن جازبالاردى جاريالاپ وتىراتىن بولامىن. قازىر كوپتەگەن تۇرمىستىق شارۋالاردى شەشىپ، جۇمىستى جوسپارلاپ، كوماندا جيناۋ كەرەك.
P.S. جازىلماندارىم مەن دوستارىمنان جۇمىسىمدى ساياسيلاندىرماۋدى سۇرايمىن، بىلاي دا بوت فەرمالارى مەن انونيم تەلەگرام-كانالدار قوزىپ جاتىر. مەن مۇندا ۋكرايناعا جاردەمدەسەم. ءتۇرلى-ءتۇستى رەۆوليۋتسيالاردى ەكسپورتتاۋ، وپپوزيتسيالىق ارەكەت تۋرالى ءسوز بولىپ وتىرعان جوق. مەن بۇل جەردە سۇيىكتى ءىسىم - پروتسەستەردىڭ تيىمدىلىگىن ارتتىرۋمەن اينالىسۋدامىن. بۇل مەن ءۇشىن - كاسىبي سىناق. بيزنەستە مۇنى تالاي رەت ەندىردىم، ەندى مەملەكەتتىك اپپاراتتىڭ جۇمىسىنا ەندىرگىم كەلەدى.
