شىمكەنت: 8 ايدا 100 ميلليوننان استام جۇمىرتقا ءوندىرىلدى

2252
Adyrna.kz Telegram

شىمكەنت قالاسىندا 8 ايدا 22,9 ميلليارد تەڭگەنىڭ اۋىل شارۋاشىلىعى ءونىمى ءوندىرىلدى. بۇل كورسەتكىش وتكەن جىلدىڭ ءتيىستى كەزەڭىمەن سالىستىرعاندا 3 پروتسەنتكە وسكەن.

بۇل وسىمگە مال شارۋاشىلىعى سالاسىنداعى ءونىم كولەمىن ارتتىرۋ ارقىلى قول جەتكىزىلدى.

اتاپ ايتقاندا، 8 اي ىشىندە 100,4 ميلليون دانا جۇمىرتقا الىندى. ونىڭ ىشىندە 23 ميلليون داناسىن «تاسساي قۇس» جانە «شىمكەنت قۇس» جشس-تەرى وندىرگەن. اۋىل شارۋاشىلىعى جانە ۆەتەريناريا باسقارماسى ماماندارىنىڭ ايتۋىنشا، بۇل دەرەك جۇمىرتقا ءوندىرۋ 29,8 پروتسەنتكە كوبەيگەنىن كورسەتەدى.

ال، ەت ءوندىرىسى 1,1 پروتسەنتكە ارتىپ، 10,6 مىڭ توننانى قۇراپ وتىر. ءبىر عانا «شىمكەنت قۇس» جشس-ءىنىڭ وزىندە برويلەر تاۋىق پەن مالدىڭ 118,2 توننا ەتى وندىرىلگەن.

سونداي-اق، ەسەپتى كەزەڭدە 35,2 مىڭ توننا ءسۇت ساۋىلىپ، ءونىم كولەمى 3,3 پرتسەنتكە ارتقان. ونىڭ ىشىندە «بايتەرەك اگرو»، «زەرتاس»، «تۇران اگرو پرودۋكت» جشس-تەرى ءسۇت ءوندىرىسىن 1,1 مىڭ تونناعا ارتتىرعان.

ايتا كەتەيىك، قالادا 81,5 مىڭ — ءىرى قارا، 106,8 مىڭ – قوي مەن ەشكى، 4,1 مىڭ — شوشقا، 14,5 مىڭ – جىلقى، 29 باس تۇيە جانە 100,1 مىڭ قۇس بار.

شىمكەنت قالاسى اكىمىنىڭ ءباسپاسوز قىزمەتى

پىكىرلەر