Shymkent qalasynda 8 aıda 22,9 mıllıard teńgeniń aýyl sharýashylyǵy ónimi óndirildi. Bul kórsetkish ótken jyldyń tıisti kezeńimen salystyrǵanda 3 proentke ósken.
Bul ósimge mal sharýashylyǵy salasyndaǵy ónim kólemin arttyrý arqyly qol jetkizildi.
Atap aıtqanda, 8 aı ishinde 100,4 mıllıon dana jumyrtqa alyndy. Onyń ishinde 23 mıllıon danasyn «Tassaı qus» jáne «Shymkent qus» JShS-teri óndirgen. Aýyl sharýashylyǵy jáne veterınarııa basqarmasy mamandarynyń aıtýynsha, bul derek jumyrtqa óndirý 29,8 proentke kóbeıgenin kórsetedi.
Al, et óndirisi 1,1 proentke artyp, 10,6 myń tonnany qurap otyr. Bir ǵana «Shymkent qus» JShS-iniń ózinde broıler taýyq pen maldyń 118,2 tonna eti óndirilgen.
Sondaı-aq, esepti kezeńde 35,2 myń tonna sút saýylyp, ónim kólemi 3,3 prentke artqan. Onyń ishinde «Báıterek Agro», «Zertas», «Turan agro prodýkt» JShS-teri sút óndirisin 1,1 myń tonnaǵa arttyrǵan.
Aıta keteıik, qalada 81,5 myń — iri qara, 106,8 myń – qoı men eshki, 4,1 myń — shoshqa, 14,5 myń – jylqy, 29 bas túıe jáne 100,1 myń qus bar.
Shymkent qalasy ákiminiń baspasóz qyzmeti
