شەتەلدە وقىعان 2 مىڭنان استام ستۋدەنت وتاندىق جوعارى وقۋ ورىندارىنا اۋىستى دەپ حابارلايدى «ادىرنا» ءبىلىم جانە عىلىم مينيسترلىگىنە سىلتەمە جاساپ.
قر بعم بۇعان دەيىن شەتەلدىك جوعارى وقۋ ورىندارىندا ءوز بەتىنشە وقىعان قازاقستاندىق ستۋدەنتتەرگە وتاندىق جوعارى وقۋ ورىندارىنا اۋىسۋعا كومەكتەستى. ستۋدەنتەرگە قۇجاتتاردى راسىمدەۋ بارىسىندا جوو-لاردىڭ ۆيرتۋالدى قابىلداۋ كوميسسيالارى ارقىلى جەڭىلدەتىلگەن فورمات ۇسىنىلدى.
شەتەلدىك جوعارى وقۋ ورىندارىنىڭ باسىم بولىگى قازاقستاندىق جوو-لار سياقتى وقۋ جىلىن قاشىقتان ءبىلىم بەرۋ تەحنولوگيالارىن پايدالانا وتىرىپ باستادى. الايدا، كەيبىر شەتەلدىك جوو-لار ءوز ستۋدەنتتەرىنە قاشىقتان وقىتۋدى جالعاستىرۋ ءۇشىن پلاتفورمالار ۇسىنا المادى.
تامىز ايىنىڭ باسىندا بعم وقۋىن جالعاستىرۋ ءۇشىن وزىنە بايلانىستى ەمەس سەبەپتەر بويىنشا ەلدەن شىعا الماعان ستۋدەنتتەرگە كومەك كورسەتە باستادى. الدىن الا قابىلدانعان شەشىمدەردىڭ ارقاسىندا 2 مىڭنان استام قازاقستاندىق ستۋدەنت وتاندىق جوعارى وقۋ ورىندارىنا اۋىسۋعا نيەت ءبىلدىردى. وسى ساناتتاعى ازاماتتاردى قولداۋ ماقساتىندا ارنايى جەدەل جەلى ىسكە قوسىلىپ، قۇجاتتاردى قابىلداۋ پروتسەدۋراسى جەڭىلدەتىلدى.
«ادىرنا» ۇلتتىق پورتالى
