«Zoom»-داعى ونلاين ساباق پورنو مەن بالاعات سوزدەن كوز اشپاي تۇر

3678
Adyrna.kz Telegram

اقتوبەدە ءبىر مەكتەپتىڭ قاشىقتان وقىتۋى كەزىندە بەلگىسىز بىرەۋ بالاعات سوزدەر مەن ۇياتسىز حابارلار جىبەرگەن،  دەپ Stan.kz اقپارات اگەنتتىگى حابارلايدى.

وقيعا تۋرالى الەۋمەتتىك جەلىلەردە مەكتەپ وقۋشىلارىنىڭ اتا-انالارى مالىمدەدى.

"Zoom باسقا وقۋ قوسىمشالارى سياقتى كيبەرشابۋىلدارعا ۇشىرايدى. وكىنىشكە قاراي، ءبىز دە وعان تاپ بولدىق. اقتوبە قالاسى،..... مەكتەپ، 6 سىنىپ. حات الماسۋدا بالالارعا قورقىنىشتى حابارلار جازاتىن بەلگىسىز ادام پايدا بولدى. نەلىكتەن وسى قوسىمشامەن وقۋ جالعاسۋدا؟ نەلىكتەن ءبىزدىڭ بالالار قورعالمايدى؟  بالالارىمىزدى قاشانعا دەيىن مازاق ەتەدى؟ بالا پسيحولوگيالىق جاراقات الۋى نەمەسە قورقۋى مۇمكىن! وقىتۋ ادىستەرىن قايتا قاراۋدى سۇرايمىز!", - دەلىنگەن حابارلامادا.

قالالىق ءبىلىم باسقارماسىنىڭ مەكتەپكە دەيىنگى جانە جالپى ورتا ءبىلىم بەرۋ ءبولىمىنىڭ باسشىسى گۇلناز مىرزاعاليەۆا ساباقتىڭ 17-ءشى مەكتەپتە وتكەنىن ايتتى.

"بۇل ماتەماتيكا ساباعى بولدى. ZOOM-كونفەرەنتسيا كەزىندە بوتەن ادامنىڭ اتىنان وقۋشى رەتىندە كونفەرەنتسياعا شىعىپ، بالاعات سوزدەر ايتا باستادى. مۇعالىم بۇل ادامدى ءوشىردى، ول تاعى ءبىر رەت باسقا اتپەن كونفەرەنتسياعا كىردى. قازىرگى ۋاقىتتا بۇل بوتەن ادام ەكەندىگى انىقتالدى، بىراق كىم ەكەنى بەلگىسىز. سوندىقتان ءىس ءمان - جايلاردى انىقتاۋ ءۇشىن پوليتسيا دەپارتامەنتىنە جىبەرىلدى", - دەپ ءتۇسىندىردى ول.

بولعان وقيعاعا قاراماستان، مەكتەپتەردەگى وقۋ ءالى باستالمايدى.

"وقىتۋ فورماتى پاندەمياعا بايلانىستى وقۋشىلار مەن پەداگوگتاردىڭ قاۋىپسىزدىگىنە بايلانىستى تاڭدالدى. سوندىقتان ساباقتار قاشىقتىق فورماتتا جالعاسادى", - دەدى مىرزاعاليەۆا.

ەستەرىڭىزگە سالىپ وتەيىك، وسىعان دەيىن استانالىق ءبىر مەكتەپتىڭ ونلاين ساباعى كەزىندە پورنو كورسەتىلىم «كىرىپ كەتىپ» وقۋشى دا، مۇعالىم دە ىڭعايسىز جاعدايعا قالعان بولاتىن.

فوتو اشىق دەرەككوزدەن الىندى.

پىكىرلەر