Aqtóbede bir mekteptiń qashyqtan oqytýy kezinde belgisiz bireý balaǵat sózder men uıatsyz habarlar jibergen, dep Stan.kz aqparat agenttigi habarlaıdy.
Oqıǵa týraly áleýmettik jelilerde mektep oqýshylarynyń ata-analary málimdedi.
"Zoom basqa oqý qosymshalary sııaqty kıbershabýyldarǵa ushyraıdy. Ókinishke qaraı, biz de oǵan tap boldyq. Aqtóbe qalasy,..... mektep, 6 synyp. Hat almasýda balalarǵa qorqynyshty habarlar jazatyn belgisiz adam paıda boldy. Nelikten osy qosymshamen oqý jalǵasýda? Nelikten bizdiń balalar qorǵalmaıdy? Balalarymyzdy qashanǵa deıin mazaq etedi? Bala psıhologııalyq jaraqat alýy nemese qorqýy múmkin! Oqytý ádisterin qaıta qaraýdy suraımyz!", - delingen habarlamada.
Qalalyq bilim basqarmasynyń mektepke deıingi jáne jalpy orta bilim berý bóliminiń basshysy Gúlnaz Myrzaǵalıeva sabaqtyń 17-shi mektepte ótkenin aıtty.
"Bul matematıka sabaǵy boldy. ZOOM-konferenııa kezinde bóten adamnyń atynan oqýshy retinde konferenııaǵa shyǵyp, balaǵat sózder aıta bastady. Muǵalim bul adamdy óshirdi, ol taǵy bir ret basqa atpen konferenııaǵa kirdi. Qazirgi ýaqytta bul bóten adam ekendigi anyqtaldy, biraq kim ekeni belgisiz. Sondyqtan is mán - jaılardy anyqtaý úshin polıııa departamentine jiberildi", - dep túsindirdi ol.
Bolǵan oqıǵaǵa qaramastan, mektepterdegi oqý áli bastalmaıdy.
"Oqytý formaty pandemııaǵa baılanysty oqýshylar men pedagogtardyń qaýipsizdigine baılanysty tańdaldy. Sondyqtan sabaqtar qashyqtyq formatta jalǵasady", - dedi Myrzaǵalıeva.
Esterińizge salyp óteıik, osyǵan deıin astanalyq bir mekteptiń onlaın sabaǵy kezinde porno kórsetilim «kirip ketip» oqýshy da, muǵalim de yńǵaısyz jaǵdaıǵa qalǵan bolatyn.
Foto ashyq derekkózden alyndy.
