الماتى وبلىسى، ۇشتوبە قالاسىنداعى مەكتەپتەردىڭ بىرىندە سۇمدىق جاعدايدىڭ بەتى اشىلدى. ۇشتوبە قالاسىنداعى ەكى مەكتەپتىڭ مۇعالىمدەرى ءوز وقۋشىلارىن ءبىر جىل بويى زورلاپ كەلگەن دەگەن كۇدىككە ءىلىندى دەپ حابارلايدى «ادىرنا» ۇلتتىق پورتالى 31 ارنانىڭ "
مۇعالىمدەر وقۋشى قىزداردى زورلاپ، اتا-انالارىنان اقشا بوپسالاعان
11.09.2020
10315
تامىزدىڭ ء13ى كۇنى ۇشتوبە قالاسىنداعى بيكەن ريموۆا اتىنداعى مەكتەپتىڭ دەنە شىنىقتىرۋ ءپانى مۇعالىمى مەن كەمەل توقاەۆ اتىنداعى مەكتەپتىڭ دەنە شىنىقتىرۋ ءپانىنىڭ مۇعالىمىنىڭ ۇستىنەن اتا-انالاردان شاعىم تۇسكەن. قولدا بار مالىمەتكە ساي، كۇدىكتىلەر قىزداردى ءبىر جىل بويى زورلاپ كەلگەن جانە قىزداردى قورقىتىپ، اتا-انالارىنان اقشا بوپسالاعان دەگەن اقپارات بار. جاعىمسىز حابار كۇدىكتىلەردىڭ ايەلدەرى ارقىلى اشكەرە بولعان. كۇيەۋلەرىنىڭ جاس قىزدارمەن قىدىرىس جاساعانىن انىقتاعان ايەلدەر ءتىپتى قىزداردى سوققىعا جىقتى دەگەن دە ءسوز بار.
وسى جاعدايدان كەيىن عانا جەتكىنشەكتەر مۇعالىمدەرىنىڭ ءبىر جىلدان بەرى زورلاپ كەلگەنىن ايتقان.
الماتى وبلىسى قاراتال اۋداندىق پروكۋراتۋراسىنىڭ مالىمەتىنشە، اتا-اناسىنىڭ شاعىمىنان كەيىن مۇعالىمدەر دەرەۋ قاماۋعا الىنعان. ال ءۇشىنشى تۇلعا ءۇي قاماققا الىندى.
ال ارىپتەستەرى كۇدىكتىلەر تۋرالى جاقسى پىكىرىن ءبىلدىرىپ، ولاردىڭ مۇنداي ارەكەتكە بارعانىنا سەنبەيدى.
"ول كىسىلەر ونداي جاسامايدى. وقۋشىلاردىڭ وزدەرى... جانجالمەن، ءبىر جاعدايلارمەن بولعان نارسەلەر عوي. ول جەردە بۇل مۇعالىمدەردىڭ قاتىسى جوق" - دەيدى مەكتەپ ديرەكتورىنىڭ ورىنباسارى.
ەكىنشى كۇدىكتى ساباق بەرگەن مەكتەپ باسشىلىعى دا ودان ەشقانداي جاعىمسىز قىلىق بايقاماعانىن اتاپ ءوتتى. ول بيكەن ريموۆا اتىنداعى مەكتەپكە ەكى جىل بۇرىن جۇمىسقا تۇرعان.
اتالعان جاعداي بەلگىلى بولعاننان كەيىن مەكتەپ باسشىلىعى اتا-انالاردىڭ رۇقساتىمەن وقۋشىلارعا پسيحولوگتار ءتۇسىندىرۋ جۇمىستارىن جۇرگىزگەنىن ايتتى. ال، اتا-انالار بۇل جاعدايدان حابارسىز بولىپ شىقتى. ەندى ولار بالالارى ءۇشىن الاڭداپ وتىر.
قازىرگى تاڭدا كۇدىكتىلەر قاماۋدا وتىر. ولاردىڭ ۇستىنەن قك-ءتىڭ "زورلاۋ" بابى بويىنشا قىلمىستىق ءىس قوزعالعان.
فوتو اشىق دەرەككوزدەن الىندى.
Басқалармен бөлісе отырыңыз
پىكىرلەر
