Muǵalimder oqýshy qyzdardy zorlap, ata-analarynan aqsha bopsalaǵan

9889
Adyrna.kz Telegram

Almaty oblysy, Úshtóbe qalasyndaǵy mektepterdiń birinde sumdyq jaǵdaıdyń beti ashyldy. Úshtóbe qalasyndaǵy eki mekteptiń muǵalimderi óz oqýshylaryn bir jyl boıy zorlap kelgen degen kúdikke ilindi dep habarlaıdy «Adyrna» ulttyq portaly 31 arnanyń "

">Informbıýro" baǵdarlamasyna silteme jasap habarlaıdy.

Tamyzdyń 13i kúni Úshtóbe qalasyndaǵy Bıken Rımova atyndaǵy mekteptiń dene shynyqtyrý páni muǵalimi men Kemel Toqaev atyndaǵy mekteptiń dene shynyqtyrý pániniń muǵaliminiń ústinen ata-analardan shaǵym túsken. Qolda bar málimetke saı, kúdiktiler qyzdardy bir jyl boıy zorlap kelgen jáne qyzdardy qorqytyp, ata-analarynan aqsha bopsalaǵan degen aqparat bar. Jaǵymsyz habar kúdiktilerdiń áıelderi arqyly áshkere bolǵan. Kúıeýleriniń jas qyzdarmen qydyrys jasaǵanyn anyqtaǵan áıelder tipti qyzdardy soqqyǵa jyqty degen de sóz bar.

Osy jaǵdaıdan keıin ǵana jetkinshekter muǵalimderiniń bir jyldan beri zorlap kelgenin aıtqan.

Almaty oblysy Qaratal aýdandyq prokýratýrasynyń málimetinshe, ata-anasynyń shaǵymynan keıin muǵalimder dereý qamaýǵa alynǵan. Al úshinshi tulǵa úı qamaqqa alyndy.

Al áriptesteri kúdiktiler týraly jaqsy pikirin bildirip, olardyń mundaı áreketke barǵanyna senbeıdi.

"Ol kisiler ondaı jasamaıdy. Oqýshylardyń ózderi... Janjalmen, bir jaǵdaılarmen bolǵan nárseler ǵoı. Ol jerde bul muǵalimderdiń qatysy joq" - deıdi mektep dırektorynyń orynbasary.

Ekinshi kúdikti sabaq bergen mektep basshylyǵy da odan eshqandaı jaǵymsyz qylyq baıqamaǵanyn atap ótti. Ol Bıken Rımova atyndaǵy mektepke eki jyl buryn jumysqa turǵan.

Atalǵan jaǵdaı belgili bolǵannan keıin mektep basshylyǵy ata-analardyń ruqsatymen oqýshylarǵa psıhologtar túsindirý jumystaryn júrgizgenin aıtty. Al, ata-analar bul jaǵdaıdan habarsyz bolyp shyqty. Endi olar balalary úshin alańdap otyr.

Qazirgi tańda kúdiktiler qamaýda otyr. Olardyń ústinen QK-tiń "zorlaý" baby boıynsha qylmystyq is qozǵalǵan.

Foto ashyq derekkózden alyndy.

Pikirler