جايناعان جاز دا زۋ ەتىپ، وتە شىقتى. سوندا دا كوزىڭىزدى جۇمىپ، تەڭىزدىڭ جاعاسىندا جالاڭ اياق جۇگىرىپ جۇرگەنىڭىزدى ەلەستەتىڭىزشى. اياق استىنان باقالشىق (راكۋشكا) تاۋىپ الدىڭىز دەلىك. ونىڭ قانداي بولعانىن قالار ەدىڭىز. سۋرەتتەن ءبىر نۇسقاسىن تاڭداڭىز، تاڭداۋىڭىز ءسىزدىڭ قانداي ەكەنىڭىزدى ايتادى.
1. ءسىز اۋەسقوي جانكەشتى ادامسىز. ەسسىز، باتىل جانسىز. كەز كەلگەن وزگەرىستى تەز قابىلدايسىز، ءوزىڭىز دە اياق استى شەشىم شىعاراسىز. ۇنەمى جاڭا اسەرگە بولەنۋدى تىلەيسىز. بىراق دەمالىستى دا ۇمىتپاڭىز.
2. ءسىز ادامدارمەن ءتىل تابىسقىش جانسىز. كوپشىلىكتىڭ ورتاسىندا بولۋدى قالايسىز. دوستارىڭىز بەن ارىپتەستەرىڭىزدىڭ اراسىندا كوپ ۋاقىت وتكىزەسىز. كوڭىل كوتەرۋدەن ءلاززات الاسىز.
3. كوپ سويلەگەندى ۇناتاسىز. دوستارىڭىز دا قالجىڭداپ بۇل ءسىزدىڭ ەرەكشە قابىلەتىڭىز ەكەنىن ايتادى. جاقسى جاڭالىق پەن كۇتپەگەن شاقىرۋدى ءجيى الاسىز.
4. ۇساق-تۇيەككە كوپ باس قاتىراسىز. ءتىپتى تۇككە تۇرمايتىن نارسەلەرگە كوڭىل اۋدارىپ، بىج-تىج بولىپ سىناپ-مىنەپ وتىراسىز. الەمگە كوزقاراسىڭىزدى وزگەرتىپ، جاقسى جاقتارىن كورە ءبىلىڭىز. اينالاڭىزداعىلار دا بۇل وزگەرىستى بايقايدى.
5. ماسەلەلەردى وڭاي شەشەسىز. دوستارىڭىز دا باسىنا ءىس تۇسسە، دەرەۋ سىزگە كەلەدى، ولارعا ۇنەمى تۇسىنىستىك تانىتىپ، قولداۋ كورسەتىپ، كەڭەس بەرەسىز. تاپقىر دا ەپتى جانسىز. كەز كەلگەننىڭ قايعىسىنا ورتاقتاساسىز، وتە مەيىرىمدىسىز.
6. ءسىز ۇنەمى كوپشىلىك نازارىندا جۇرەسىز. وزگەلەردى دە ارىندى قۋاتىڭىزبەن جاندىرىپ، جانداندىرىپ اكەتەسىز، سول ءۇشىن دە ادامدار سىزگە ۇيىرسەك. سەزىمتال دا قايىرىمدى ادامسىز. ءومىردى شەكسىز سۇيەسىز.
7. ءۇيدىڭ بەرەكەسى ءسىز ءۇشىن بارىنەن قىمبات. كوپ ۋاقىتىڭىزدى وتباسىمەن وتكىزۋدى قالايسىز. كوركەمونەرگە قىزىعۋشىلىعىڭىز بار، ولەڭ نە قارا ءسوز جازاسىز. شىعارماشىلىققا اسا جاقىنسىز. بىراق ءوزىڭىزدى وتباسىنا ارنايسىز.
8. توسىن سىيلار جاساۋدى جاقسى كورەسىز، ءوزىڭىز دە كۇتپەگەن سىيلىقتارعا بالاشا شاتتاناسىز. الايدا تاعدىر سىيىن دا باعالاۋ قاجەت، سول سەبەپتى اقىلدى دا پايدالانىڭىز.
9. ءسىزدىڭ ءتىلىڭىز اششى ءارى اقىلىڭىز دا اسقاق. كوزدەگەن ماقساتقا جەتپەي قويمايسىز. سەرىگىڭىز ساتتىلىك. تەك جاقسى جاڭالىقتار كۇتىڭىز.
10. ءسىز وتە مەيىربان جانسىز. بىراق وزىڭىزگە زيان كەلەر تۇستا باسقالارعا «جوق» دەپ تە ايتا بىلەسىز. شەشىم قابىلداردا سوڭىن جاقسىلاپ ويلانىڭىز.
11. ءاردايىم جۇزىڭىزدەن تۇسىنىستىك ىزدەگەن جاندار اينالاڭىزدا تولىپ جۇرەدى. بىراق ءسىز ءوز ومىرىڭىزگە كوبىرەك كوڭىل ءبولۋىڭىز كەرەك. بارلىعىن العا قادام باسۋعا جوسپارلاپ، ماقساتقا جەتۋ جولىندا ءبىر تىنباڭىز.
12. ەڭبەككە باس يگەن حالىق! ءوز جۇمىسىڭىزدى جاقسى بىلەسىز، مانساپتىق ساتىدا دا وڭاي كوتەرىلەسىز. ماقساتىڭىزعا وڭاي جەتەسىز، يدەياڭىزدى جۇزەگە اسىرۋعا كوپ كۇش جۇمسايسىز. ءبىر ءسات دەمالىپ تۇرعان دا دۇرىس.
massaget.kz
