ايگىلى ورىس اكتەرى م. ەفرەموۆ 8 ماۋسىم كۇنى ماسكەۋ ورتالىعىندا كەشكى ۋاقىتتا جول-كولىك اپاتىنا ۇشىراپ، ءبىر ادامنىڭ ولىمىنە سەبەپكەر بولعان ەدى. سول كۇنى اكتەردىڭ ماس بولعانى انىقتالعان. بۇگىن اكتەردىڭ تاعدىرشەشتى سوتى وتۋدە، - دەپ حابارلايدى «ادىرنا» ۇلتتىق پورتالى Utro.ru-عا سىلتەمە جاساپ.
پرەسنەنس سوتىندا ميحايل ەفرەموۆتىڭ ءىسى بويىنشا كەزەكتى وتىرىس باستالدى. بۇل سوت اكتەردىڭ تاعدىرىن شەشپەك. ادۆوكات ەلمان پاشاەۆ كولىكتى قايتا تەكسەرۋدى سۇراعان، بىراق سوت ودان باس تارتتى.
ەفرەموۆتىڭ ادۆوكاتى كولىكتى جۇرگىزگەن ادام مەن ەفرەموۆ-جولاۋشىنىڭ ىزدەرى اينەكتە قالۋى مۇمكىن ەكەنىنە سەنىمدى. ونىڭ ايتۋىنشا، اپات كەزىندە اكتەر باسىن ۇرىپ العان.
پروكۋرور اپاتتان كەيىن اكتەر باسىنىڭ اۋىرعانىن ايتپاعاندىعىن ەسكەرتسە، ال ادۆوكات اننا باتۋرينا ەفرەموۆتىڭ رولدە بولعانىن مويىنداعانىن ەسكە سالدى.
سوندا اكتەر: «بۇل وتىرىك! بۇل وتىرىك!» - دەپ قاتتى ايقاي سالعان، سودان كەيىن سۋديا ەلەنا ابراموۆا ايىپتالۋشىنى توقتاتىپ، ول ءسوزىن جالعاستىرا المايدى. كەيىن ەفرەموۆ ورنىنان تۇرىپ، سوتقا:
«9 ماۋسىمدا-اق مەنى بارلىق جابىرلەنۋشىنىڭ ادۆوكاتتارى قاتتى جاقسى كورەتىن بۇكىل فەدەرالدى ارنالار ءولىم جازاسىنا كەستى. سىزدەن ءبىر عانا سۇرايتىنىم – مەنىڭ سوڭعى تىلەگىمدى ورىنداساڭىز»،- دەگەن.
اكتەر جەكە ءوزى جولاۋشىلار ورنى مەن قاۋىپسىزدىك بەلدىگىنە بيولوگيالىق ساراپتاما تاعايىنداۋدى سۇرايدى. ول سول كۇنى موينىندا قاۋىپسىزدىك بەلبەۋىنىڭ ءىزى قالعانىن ەسكە ءتۇسىردى. سونىمەن قاتار اكتەر ءوزىنىڭ ەشقاشان ماس بولىپ رولگە وتىرماعانىن دا ايتقان.
Lenta.ru-دىڭ حابارلاۋىنشا، اكتەر سوت بارىسىندا سۋديا ەلەنا ابراموۆا تاعايىنداعىسى كەلگەن قورعاۋشىنىڭ قىزمەتىنەن باس تارتقان.
ەفرەموۆ جاڭا تاعايىندالاتىن ادۆوكات ول ءۇشىن ءىس جۇزىندە ارتىق ەكەنىن اتاپ وتكەن، ويتكەنى ونى كەلىسىم بويىنشا ەكى ادۆوكات — پروتسەسكە ورالعان ەلمان پاشاەۆ پەن ەليزاۆەتا شارگورودسكايا قورعايدى. وسىدان كەيىن سۋديا تاعايىندالعان قورعاۋشىنى پروتسەستەن شىعارعان.
بۇعان دەيىن ەفرەموۆتىڭ ادۆوكاتى پاشاەۆ وقيعانىڭ سوڭعى بەينەجازباسى نەگىزىندە سوتتا وپپونەنتتەردىڭ "كوبەيۋى" ۇيىمداستىرىلاتىنىن ايتقان.
سونداي-اق 29 تامىزدا اكتەر نيكيتا دجيگۋردا ميحايل ەفرەموۆتىڭ ءولىم اپاتىندا كىناسىزدىگىن دالەلدەيتىن دەرەكتەردى مالىمدەگەن. ول ءوز سوزىندە ەفرەموۆ اپات كەزىندە كولىك جۇرگىزبەگەنىن جانە ونىڭ اقتالۋى كەرەكتىگىن جەتكىزگەن.
فوتو اشىق دەرەككوزدەن الىندى
«ادىرنا» ۇلتتىق پورتالى
