كيبەرقىلمىس – قازىرگى تاڭداعى وزەكتى ماسەلەلەردىڭ ءبىرى. ءتۇرلى اقپاراتتار اعىنى مەملەكەت پەن ادامدار مۇددەسىنە تىكەلەي نەمەسە جاناما تۇردە زيان كەلتىرۋى مۇمكىن. وسىنداي قۇبىلىستاردىڭ الدىن الۋ ماقساتىندا 2017 جىلى قر ۇكىمەتى كيبەرقىلمىسپەن كۇرەس جونىندەگى باعدارلامانىڭ تۇجىرىمداماسىن جاساعان بولاتىن.
كيبەرقالقان بۇل – اقپاراتتىق قاۋىپسىزدىك. ياعني، ەلەكتروندىق اقپاراتتىق رەسۋرستاردىڭ، ءتۇرلى اقپاراتتىق جۇيەلەردىڭ جانە اقپارتتىق-كوممۋنيكاتسيالىق ينفراقۇرىلىمنىڭ سىرتقى جانە ىشكى قاۋىپتەرىنەن ساقتانۋ بولىپ تابىلادى. ءبىر سوزبەن ايتقاندا كيبەرقالقان ءبىزدىڭ ۆيرتۋالدى الەمدەگى قالقانىمىز دەسەك تە قاتەلەسپەيمىز. ناقتىراق ايتقاندا، عالامتورداعى كيبەرشابۋىلداردان، سونىمەن قاتار بازادا ساقتاۋلى جەكە دەرەكتەرىمىزدى الاياقتىق ارەكەتتەردەن قورعايدى.
كيبەرشابۋىلدىڭ ايقىن مىسالى رەتىندە 2016 جىلى تاراعان «كوك كيت» ويىنىن الا الامىز. ونىڭ ماقساتى – ويىنشى ەڭ سوڭىندا ءوز-ءوزىن ءولتىرۋى ءتيىس. وكىنىشكە وراي، الەۋممەتىك جەلى يەلەرى اتالعان جاعدايدى باقىلاۋدا ۇستاي المادى. ناتەجيەسىندە بىرنەشە ادام كيبەرشابۋىلدىڭ قۇربانى بولدى. قيبەرقالقاننىڭ باستى ماقساتى – مۇنداي ولقىلىقتاردى بولدىرماۋ.
كيبەرقىلمىستىڭ الدىن-الۋ ماقساتىندا، بيىلعى جىلى وتاندىق T&T Security كومپانياسى جاپوندىق Trend Micro Incorporated كومپانياسىمەن ىنتىماقتاستىق تۋرالى كەلىسىمگە قول قويدى. T&T Security – كيبەرقاۋىپسىزدىك جونىندەگى قازاق كومپانياسى. ونى قۇرۋدىڭ ماقساتى – كۇردەلى كيبەرشابۋىلدارعا قارسى كۇرەسۋ. ول ءۇشىن T&T Security tLab-زياندى باعدارلامالىق جاساقتامانىڭ جاڭا تۇرىنەن، ياعني بۇرىن-سوڭدى بەلگىسىز شابۋىلداردان، ماقساتتى جانە APT شابۋىلدارىنان قورعايتىن وزىق ءونىمدى جاساپ شىعاردى.
⠀ سەرىكتەستىك ارقىلى كومپانيالار رەسۋرستاردى سالاداعى بىرلەسكەن جوبالار مەن باستامالاردى ازىرلەۋگە جانە ىسكە اسىرۋعا باعىتتاۋدا.
⠀"قازاقستان اقپاراتتىق قاۋىپسىزدىك سالاسىندا قارقىندى دامىپ كەلەدى. ءبىز ءۇشىن بۇل ەلدىڭ نارىعى باسىمدىقتاردىڭ ءبىرى بولىپ تابىلادى جانە ءبىز T&T Security سياقتى وزىق كومپانيامەن ىنتىماقتاستىقتىڭ باستالۋىنا قۋانىشتىمىز. ءبىزدىڭ شەشىمدەرىمىزدىڭ ينتەگراتسياسى قازاقستاندىق كاسىپورىندار مەن مەملەكەتتىك قۇرىلىمداردى كۇردەلى كيبەرشابۋىلداردان قورعاۋعا مۇمكىندىك بەرەدى", – دەيدى تمد، گرۋزيا جانە موڭعولياداعى Trend Micro وڭىرلىك ديرەكتورى گەرمان پوزانكوۆ.
Join Japan كومانداسى قازىرگى تاڭدا الەمدەگى كيبەرقاۋىپسىزدىك قانشالىقتى ماڭىزدى ەكەنىن بىلەدى. ال مۇنداي ىنتىماقتاستىق قازاقستاننىڭ عانا ەمەس، باسقا دا ەلدەردىڭ اقپاراتتىق قاۋىپسىزدىگىن نىعايتۋعا قىزمەت ەتەدى.
«ادىرنا» ۇلتتىق پورتالى
⠀
