Kıberqylmys – qazirgi tańdaǵy ózekti máselelerdiń biri. Túrli aqparattar aǵyny memleket pen adamdar múddesine tikeleı nemese janama túrde zııan keltirýi múmkin. Osyndaı qubylystardyń aldyn alý maqsatynda 2017 jyly QR úkimeti kıberqylmyspen kúres jónindegi baǵdarlamanyń tujyrymdamasyn jasaǵan bolatyn.
Kıberqalqan bul – aqparattyq qaýipsizdik. Iaǵnı, elektrondyq aqparattyq resýrstardyń, túrli aqparattyq júıelerdiń jáne aqparttyq-kommýnıkaııalyq ınfraqurylymnyń syrtqy jáne ishki qaýipterinen saqtaný bolyp tabylady. Bir sózben aıtqanda kıberqalqan bizdiń vırtýaldy álemdegi qalqanymyz desek te qatelespeımiz. Naqtyraq aıtqanda, ǵalamtordaǵy kıbershabýyldardan, sonymen qatar bazada saqtaýly jeke derekterimizdi alaıaqtyq áreketterden qorǵaıdy.
Kıbershabýyldyń aıqyn mysaly retinde 2016 jyly taraǵan «Kók kıt» oıynyn ala alamyz. Onyń maqsaty – oıynshy eń sońynda óz-ózin óltirýi tıis. Ókinishke oraı, áleýmmetik jeli ıeleri atalǵan jaǵdaıdy baqylaýda ustaı almady. Nátejıesinde birneshe adam kıbershabýyldyń qurbany boldy. Qıberqalqannyń basty maqsaty – mundaı olqylyqtardy boldyrmaý.
Kıberqylmystyń aldyn-alý maqsatynda, bıylǵy jyly otandyq T&T Security kompanııasy japondyq Trend Micro Incorporated kompanııasymen yntymaqtastyq týraly kelisimge qol qoıdy. T&T Security – kıberqaýipsizdik jónindegi qazaq kompanııasy. Ony qurýdyń maqsaty – kúrdeli kıbershabýyldarǵa qarsy kúresý. Ol úshin T&T Security tLab-zııandy baǵdarlamalyq jasaqtamanyń jańa túrinen, ıaǵnı buryn-sońdy belgisiz shabýyldardan, maqsatty jáne APT shabýyldarynan qorǵaıtyn ozyq ónimdi jasap shyǵardy.
⠀ Seriktestik arqyly kompanııalar resýrstardy saladaǵy birlesken jobalar men bastamalardy ázirleýge jáne iske asyrýǵa baǵyttaýda.
⠀"Qazaqstan aqparattyq qaýipsizdik salasynda qarqyndy damyp keledi. Biz úshin bul eldiń naryǵy basymdyqtardyń biri bolyp tabylady jáne biz T&T Security sııaqty ozyq kompanııamen yntymaqtastyqtyń bastalýyna qýanyshtymyz. Bizdiń sheshimderimizdiń ıntegraııasy qazaqstandyq kásiporyndar men memlekettik qurylymdardy kúrdeli kıbershabýyldardan qorǵaýǵa múmkindik beredi", – deıdi TMD, Grýzııa jáne Mońǵolııadaǵy Trend Micro óńirlik dırektory German POZANKOV.
Join Japan komandasy qazirgi tańda álemdegi kıberqaýipsizdik qanshalyqty mańyzdy ekenin biledi. Al mundaı yntymaqtastyq Qazaqstannyń ǵana emes, basqa da elderdiń aqparattyq qaýipsizdigin nyǵaıtýǵa qyzmet etedi.
«Adyrna» ulttyq portaly
⠀
