بيىل الماتىدا ەڭبەك ميگرانتتارى ەكى ەسەگە ازايعان

2087
Adyrna.kz Telegram

 قازاقستاندا كوشى-قونعا بايلانىستى مەملەكەتتىك قىزمەتتەر «ءبىر تەرەزە» ءپرينتسيپى بويىنشا بەكىتىلگەن ستاندارتقا ساي ۇسىنىلادى. "ازاماتتارعا ارنالعان ۇكىمەت" مك" كەاق الماتى قالاسى بويىنشا فيليالىنىڭ حالىققا قىزمەت كورسەتۋ جونىندەگى كوشى-قون ءبولىمى شەتەلدىكتەرگە ءۇشىنشى جىل قىزمەت كورسەتۋدە.

ەگەر بۇرىن رەزيدەنت ەمەس تۇلعا 6 ءتۇرلى ۇيىمعا - سالىق، پوليتسيا، اۋرۋحانا، ساقتاندىرۋ كومپانيالارى، فوتو سالوندار مەن بانكتەرگە بارىپ، ءار جەردە كەزەككە تۇرۋعا ءماجبۇر بولسا، قازىر بۇل قىزمەتتەر ءبىر جەردە جانە «ءبىر تەرەزە» قاعيداتى بويىنشا، كەدەرگىسىز قىزمەت كورسەتۋ ستاندارتتارىنا ساي كورسەتىلەدى.

بۇل جەردە مەديتسينالىق تەكسەرىس پەن داكتيلوسكوپيادان ءوتىپ، ساقتاندىرۋ ءپوليسىن راسىمدەۋگە جانە جەكە سايكەستەندىرۋ ءنومىرىن الۋعا بولادى. بۇعان دەيىن شەتەلدىكتەر قازاقستاندا جۇمىس ىستەۋگە رۇقسات الۋ ءۇشىن بەس كۇن جۇرسە، ەندى رۇقساتتى ءبىر ساعاتتىڭ ىشىندە راسىمدەي الادى.

 

مىسالى، بيىل 10 ناۋرىز كۇنى الماتىعا ءازىربايجاننان نايم ابباس ەسىمدى ازامات جۇمىس ىستەۋ ماقساتىندا كەلگەن.   الماتى ميگراتسيالىق حقو-نا تىركەلۋ مەرزىمىن ۇزارتۋعا كەلىپتى.

«ءبىر تەرەزە» ادىسىمەن ءبىر ورتالىقتان جۇمىسىمنىڭ جىلدام بىتكەنىنە العىسىن بىلدىرەمىن. قىزمەت كورسەتۋشىلەر دە سىپايى، مادەنيەتتى»، - دەيدى ول.

 

بوحادۋر ابدۋراشيدوۆ، وزبەكستان ازاماتى:

-مەن وزبەكستان ازاماتىمىن. كوشى-قون بولىمىنە قۇجاتتارىمدى جاساتۋعا كەلدىم. مۇندا ءبارى تەز ەكەن. قۇجاتتارىمدى تەز ارادا راسىمدەپ بەردى.

 

«ازاماتتارعا ارنالعان ۇكىمەتتىڭ» الماتى قالاسىنداعى حالىققا قىزمەت كورسەتۋ جونىندەگى كوشى-قون ءبولىمى "ەڭبەك ميگرانتتارىنا رۇقساتتار بەرۋ جانە ۇزارتۋ»، "شەتەلدىكتەرگە جسن قالىپتاستىرۋ»، "قازاقستانعا ۋاقىتشا كەلەتىن شەتەلدىكتەر مەن ازاماتتىعى جوق ادامداردى تىركەۋ» مەملەكەتتىك قىزمەت تۇرلەرىن ۇسىنادى. كۇنىنە ورتا ەسەپپەن 1000-نان 1200-گە دەيىن قىزمەت الۋشىلار كەلەدى. كارانتين كەزىندە شەكارانىڭ جابىق تۇرۋى سەبەپتى، شەتەلدىكتەر سونشالىقتى كوپ ەمەس. جالپى، قازاقستاندىق ميگراتسيالىق حقو ۇلگىسىن تمد ەلدەرىنىڭ مەملەكەتتىك ورگاندارى ۇلگى رەتىندە الىپ ءجۇر. وتكەن جىلدارى ءبىزدىڭ تاجىريبەنى ۇيرەنۋگە بىرنەشە ورتالىق ازيا ەلدەرىنىڭ وكىلدەرى كەلىپ كەتتى»، - دەيدى "ازاماتتارعا ارنالعان ۇكىمەت" مك" كەاق الماتى قالاسى بويىنشا فيليالىنىڭ ديرەكتورى دانيار قىرىقباەۆ.

 

ميگراتسيالىق حقو اشىلعالى بەرى شەتەلدىكتەرگە 216 934 قىزمەت كورسەتىلگەن. ناقتىراق ايتقاندا، 2018 جىلى -11970,   2019 جىلى - 156 679,  بيىلعى جىل باسىنان بەرى 48 285 قىزمەت كورسەتىلىپتى.

ەڭبەك ەتۋگە رۇقسات ەتۋ بويىنشا  2019 جىلدىڭ 7 ايىندا 41992 قىزمەت كورسەتىلسە، وسى جىلى بۇل سان 29347-ءنى قۇراعان. ۋاقىتشا تىركەلگەندەر وتكەن جىلى 57897 بولسا، بيىل 22415, جسن قالىپتاستىرۋ بويىنشا 8756 الىنىپ، بيىل ول وسى ۋاقىت ارالىعىندا 2589- گە دەيىن تومەندەگەن.

 

پاندەميا كەزىندە ءبىزدىڭ مەملەكەتىمىزدەگى ميگرانتتار جاعدايىنا قارايلاسىپ، كارانتين كەزىندە تىركەۋ مەرزىمى وتكەنى ءۇشىن ەشقانداي اكىمشىلىك جازا قولدانىلمادى. سونىمەن قاتار زاڭ بويىنشا ەڭبەك يمميگرانتتارىنا ءبىزدىڭ مەملەكەتىمىزدە ءبىر جىل تۇرۋعا رۇقسات ەتىلەتىن، بىراق كارانتينگە بايلانىستى بۇل مەرزىمدى ۇزارتتى.

ەستەرىڭىزگە سالا كەتسەك، "ازاماتتارعا ارنالعان ۇكىمەت" مك" كەاق الماتى قالاسى بويىنشا فيليالىنىڭ حالىققا قىزمەت كورسەتۋ جونىندەگى كوشى-قون ءبولىمى ءوز قىزمەتىن 2018 جىلدىڭ 28 تامىزىنان باستادى، اۋەلى الماتى قالاسى، «نۇركەنت» ىقشاماۋدانىندا اشىلعان بولاتىن، وسى جىلدىڭ 13 شىلدەسىنەن باستاپ «شۇعىلا» ىقشاماۋدانىنداعى «ناۋرىزباي اۋدانى اكىم اپپاراتى» كمم عيماراتىنا كوشكەن.

حالىققا قىزمەت كورسەتۋ جونىندەگى كوشى-قون ءبولىمىنىڭ جۇمىس ۋاقىتى دۇيسەنبى مەن سەنبى ارالىعىندا، تاڭعى ساعات 9.00-دەن كەشكى ساعات 18.00-گە دەيىن.

گۇلۆيرا اسقارقىزى،

"ادىرنا" ۇلتتىق پورتالى

پىكىرلەر