شىمكەنتتە ءبىلىم بەرۋ ۇيىمدارىنىڭ ينفراقۇرىلىمىن دامىتۋ جۇمىستارىنا سايكەس، اپاتتى، ءۇش اۋىسىمدى مەكتەپتەردى جويۋ ماسەلەسى كەزەڭ-كەزەڭىمەن شەشىلىپ كەلەدى.
قالالىق ءبىلىم باسقارماسىنىڭ باسشىسى ونلاين تامىز كەڭەسىندە ءۇش اۋىسىمداعى مەكتەپتەر ماسەلەسىن 2024 جىلعا دەيىن تولىعىمەن شەشۋ جوسپاردا ەكەنىن ايتتى.
بيىل 5100 ورىندىق 8 مەكتەپتىڭ (4 جاڭا، 4 قوسىمشا) جانە 300 ورىندىق 2 ونەر مەكتەبىنىڭ قۇرىلىسى پايدالانۋعا بەرىلىپ، اپاتتى مەكتەپتەر سانى 2-دەن 1-گە، ءۇش اۋىسىمدى مەكتەپتەر سانى 19-دان 14-كە ازايدى.
جالپى قالانىڭ دەموگرافيالىق وسىمىنە بايلانىستى جىل سايىن مەكتەپ وقۋشىلارىنىڭ سانى 12 مىڭنان استام بالاعا ارتۋدا.
سونىمەن قاتار، اتالعان ماسەلەلەردى شەشۋ ماقساتىندا شىمكەنت قالاسىنىڭ ورتا ءبىلىم بەرۋ سالاسىندا جان باسىنا قارجىلاندىرۋ جۇيەسىن ەندىرۋ ارقىلى جەكەمەنشىك مەكتەپتەر جەلىسىن ارتتىرۋ جۇمىستارى اتقارىلۋدا.
ءۇش اۋىسىمدى ءبىلىم بەرۋ ماسەلەسىن الدىن الۋ بويىنشا وقۋشى ورنى تاپشىلىعى تۋىنداۋ مۇمكىن بولعان شاعىناۋداندار مەن تۇرعىن الاپتارعا زەردەلەۋ جۇرگىزىلىپ، ءبىلىم نىساندارىنىڭ قۇرىلىسى بويىنشا جوسپار جاسالعان.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
