Shymkentte bilim berý uıymdarynyń ınfraqurylymyn damytý jumystaryna sáıkes, apatty, úsh aýysymdy mektepterdi joıý máselesi kezeń-kezeńimen sheshilip keledi.
Qalalyq bilim basqarmasynyń basshysy onlaın tamyz keńesinde úsh aýysymdaǵy mektepter máselesin 2024 jylǵa deıin tolyǵymen sheshý josparda ekenin aıtty.
Bıyl 5100 oryndyq 8 mekteptiń (4 jańa, 4 qosymsha) jáne 300 oryndyq 2 óner mektebiniń qurylysy paıdalanýǵa berilip, apatty mektepter sany 2-den 1-ge, úsh aýysymdy mektepter sany 19-dan 14-ke azaıdy.
Jalpy qalanyń demografııalyq ósimine baılanysty jyl saıyn mektep oqýshylarynyń sany 12 myńnan astam balaǵa artýda.
Sonymen qatar, atalǵan máselelerdi sheshý maqsatynda Shymkent qalasynyń orta bilim berý salasynda jan basyna qarjylandyrý júıesin endirý arqyly jekemenshik mektepter jelisin arttyrý jumystary atqarylýda.
Úsh aýysymdy bilim berý máselesin aldyn alý boıynsha oqýshy orny tapshylyǵy týyndaý múmkin bolǵan shaǵynaýdandar men turǵyn alaptarǵa zerdeleý júrgizilip, bilim nysandarynyń qurylysy boıynsha jospar jasalǵan.
Shymkent qalasynyń Aqparattyq-kommýnıkaııalyq ortalyǵy
