مەكتەپكە بارىپ وقيتىن وقۋشىلار ماسكا تاعىپ، قولعاپ كيۋى كەرەك پە؟

3717
Adyrna.kz Telegram

جاڭا وقۋ جىلىندا مەكتەپكە بارىپ وقيتىن بالالار ساباقتا ماسكا تاعىپ وتىرادى، ال قولعاپ كيۋ مىندەتتى ەمەس. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ مالىمدەدى، دەپ حابارلايدى Sputnik قازاقستان.

   بالالارعا قولعاپ كيۋ مىندەتتى ەمەس. الەۋمەتتىك جەلىلەردە تاراپ جاتقان اقپارات شىندىققا جاناسپايدى. ال ساباق كەزىندە بالالار ماسكا تاعۋى ءتيىس. ستاتيستيكا بويىنشا ولار ۆيرۋستى سيرەك جۇقتىرسا دا، اۋرۋ تاسىپ، وزىنەن ۇلكەن ادامدارعا جۇقتىرۋى مۇمكىن", – دەدى قوجاحمەتوۆ ونلاين ءباسپاسوز ءماسليحاتىندا.

  ول رەسپۋبليكا بيۋدجەتىندە بالالاردى ماسكامەن قامتاماسىز ەتۋگە اقشا قارالماعانىن ايتتى. بىراق، بۇل ۇسىنىستى دەنساۋلىق ساقتاۋ مينيسترلىگىنىڭ باسشىلىعىنا جەتكىزۋگە ۋادە ەتتى.

   كوروناۆيرۋسقا بايلانىستى 2020-2021 وقۋ جىلى قاشىقتان ءبىلىم بەرۋ فورماتىندا باستالادى. اتا-انالاردىڭ قالاۋى بويىنشا مەكتەپتەردە 1-4 سىنىپ وقۋشىلارى ءۇشىن كەزەكشى سىنىپتار جۇمىس ىستەيدى. ءبىر سىنىپتا ءبىلىم الۋشىلار سانى 15-تەن اسپايدى.

«ادىرنا» ۇلتتىق پورتالى

 

پىكىرلەر