Jańa oqý jylynda mektepke baryp oqıtyn balalar sabaqta maska taǵyp otyrady, al qolǵap kııý mindetti emes. Bul týraly densaýlyq saqtaý mınıstrliginiń resmı ókili Baǵdat Qojahmetov málimdedi, dep habarlaıdy Sputnik Qazaqstan.
Balalarǵa qolǵap kııý mindetti emes. Áleýmettik jelilerde tarap jatqan aqparat shyndyqqa janaspaıdy. Al sabaq kezinde balalar maska taǵýy tıis. Statıstıka boıynsha olar vırýsty sırek juqtyrsa da, aýrý tasyp, ózinen úlken adamdarǵa juqtyrýy múmkin", – dedi Qojahmetov onlaın baspasóz máslıhatynda.
Ol respýblıka bıýdjetinde balalardy maskamen qamtamasyz etýge aqsha qaralmaǵanyn aıtty. Biraq, bul usynysty densaýlyq saqtaý mınıstrliginiń basshylyǵyna jetkizýge ýáde etti.
Koronavırýsqa baılanysty 2020-2021 oqý jyly qashyqtan bilim berý formatynda bastalady. Ata-analardyń qalaýy boıynsha mektepterde 1-4 synyp oqýshylary úshin kezekshi synyptar jumys isteıdi. Bir synypta bilim alýshylar sany 15-ten aspaıdy.
«Adyrna» ulttyq portaly
