قازاقتى ماسقارالاعان «بورات» ءفيلمىنىڭ جالعاسى ءتۇسىرىلۋى مۇمكىن

3478
Adyrna.kz Telegram

اتىشۋلى "بورات" ءفيلمىنىڭ جالعاسى ءتۇسىرىلۋى مۇمكىن دەگەن سىبىستار پايدا بولدى. الەۋمەتتىك جەلى قولدانۋشىلارى كەيىپكەردىڭ ءرولىن سومداعان ساشا بارون كوەندى تۇسىرىلىمگە قاتىسىپ جۇرگەنىن جارىسا جازۋدا، دەپ حابارلايدى stan.kz اقپارات اگەنتتىگى.

TikTok-تىڭ كاليفورنيالىق قولدانۋشىسى اكتەردى تانىمال بوراتتىڭ كوستيۋمىمەن كولىك ايداپ بارا جاتقانىن، ونىمەن بىرگە ءتۇسىرىلىم توبىنىڭ جۇرگەنىن كورگەنىن ايتادى. 

"بوراتتىڭ" جالعاسى تۋرالى اڭگىمەلەر سوناۋ 2007 جىلدان بەرى ايتىلىپ كەلەدى. ال كوەننىڭ وسى فيلمنەن كەيىن باعى جانىپ, باسقا دا كينولارعا ءتۇسىپ ۇلگەرگەن.

فيلمنەن بولەك، ءارتىس ەكءى رەت "بوراتتىڭ" وبرازىندا امەريكاندىق توك-شوۋلارعا قاتىسىپتى. 

جوبا جەتەكشىلەرى "بورات" ءفيلمىنىڭ ءتۇسىرءىلىمى جايلى جاق اشپاۋدى شەشكەن. ال ونى جاسىرۋ ۇشىن كوەن "قىزعىلت ترانسگەندەرلەردىڭ كيىمىن" كيۋگە دەيىن بارىپتى.  

قازاقستاندىق جۋرناليست بورات ساگديەۆ - بريتاندىق ازىلكەش ساشا بارون كوەن ەڭ ايگىلى رءولى. 18 ميلليون دوللارعا تۇسىرىلگەن فيلم كينوتەاترلارعا جول تارتقاننان كەيىن 261 ميلليون دوللار جيناعان. ءفيلمنىڭ جەلىسى قازاقستاندا ءوربيدى. ال ءتۇسىرءىلىمنىڭ ءوزى رۋمىنيادا بولعان. "بورات" ءفيلمىنىڭ كورسەتىلىمى رەسەيدە, قازاقستاندا جانە ءبىرقاتار يسلام مەملەكەتتەرىندە تىيىم سالىنعان. 

بوراتتىڭ MTV Europe Music Awards-2005 سالتاناتتى راسىمىندەگى انتيسەميتتىك جانە گوموفوبيالىق قالجىڭدارىنا قازاقستاننىڭ سىرتقى ىستەر مينيسترلىگى رەسمي تۇردە جاۋاپ قايتارعان. وندا ازىلكەشتىڭ "قازاقستاندى قارالاۋ ماقساتىندا تاپسىرىسپەن ءتۇسىرىلگەن تۋىندى" ەكەنى ايتىلىپتى

بۇل تۋىندىداعى باستى كەيىپكەردىڭ رءولىن سومداعان كوەن دارەجەلى "التىن گلوبۋس" ماراپاتىن جەڭىپ، ءفيلمنىڭ ءوزى بولسا "وسكارعا"  نوميناتسيالانعان. 

دەسەك تە دارەجەلى Lonely Planet باسىلىمىنىڭ مالىمەتىنە سايكەس، 2007 جىلى قازاقستان تۋريستەردىڭ ەڭ كوپ باراتىن وندىقتىڭ قاتارىنا ەنگەن.  ال 2012 جىلى ەلىمىزدىڭ ۇكىمەتى حالىقتىڭ اشۋىنا تيگەن ءفيلمنىڭ ەلدىڭ تۋريستىك دەڭگەيىنىڭ ارتۋىنا سەبەپ بولعانىن مويىندادى: قازاقستانعا بارۋعا بەرىلەتىن ۆيزالاردىڭ سانى 10 ەسە ارتقان. 

"ءبىز, قازاقتار، جاڭا تۋعان بيەنىڭ ءزارىن ءىشىپ, وزىمىزبەن بىرگە ەشكى ەرتىپ, سىعاندارعا اڭشىلىق قۇرامىز", - دەيدى فيلم كەيىپكەرى بورات. ءتىپتءى قازاقستاننىڭ تۇڭعىش پرەزيدەنتى نۇرسۇلتان نازارباەۆ بوراتقا رەنجۋدىڭ قاجەتى جوق ەكەنىن, ونى قالجىڭ دەپ ءتۇسىنۋ قاجەت ەكەنىن جەتكىزگەن.

«ادىرنا» ۇلتتىق پورتالى

پىكىرلەر