Atyshýly "Borat" fılminiń jalǵasy túsirilýi múmkin degen sybystar paıda boldy. Áleýmettik jeli qoldanýshylary keıipkerdiń rólin somdaǵan Sasha Baron Koendi túsirilimge qatysyp júrgenin jarysa jazýda, dep habarlaıdy stan.kz aqparat agenttigi.
TikTok-tyń kalıfornııalyq qoldanýshysy akterdi tanymal Borattyń kostıýmimen kólik aıdap bara jatqanyn, onymen birge túsirilim tobynyń júrgenin kórgenin aıtady.
"Borattyń" jalǵasy týraly áńgimeler sonaý 2007 jyldan beri aıtylyp keledi. Al Koenniń osy fılmnen keıin baǵy janyp, basqa da kınolarǵa túsip úlgergen.
Fılmnen bólek, ártis eki ret "Borattyń" obrazynda amerıkandyq tok-shoýlarǵa qatysypty.
Joba jetekshileri "Borat" fılminiń túsirilimi jaıly jaq ashpaýdy sheshken. Al ony jasyrý úshin Koen "qyzǵylt transgenderlerdiń kıimin" kııýge deıin barypty.
Qazaqstandyq jýrnalıst Borat Sagdıev - brıtandyq ázilkesh Sasha Baron Koen eń áıgili róli. 18 mıllıon dollarǵa túsirilgen fılm kınoteatrlarǵa jol tartqannan keıin 261 mıllıon dollar jınaǵan. Fılmniń jelisi Qazaqstanda órbıdi. Al túsirilimniń ózi Rýmynııada bolǵan. "Borat" fılminiń kórsetilimi Reseıde, Qazaqstanda jáne birqatar ıslam memleketterinde tyıym salynǵan.
Borattyń MTV Europe Music Awards-2005 saltanatty rásimindegi antısemıttik jáne gomofobııalyq qaljyńdaryna Qazaqstannyń syrtqy ister mınıstrligi resmı túrde jaýap qaıtarǵan. Onda ázilkeshtiń "Qazaqstandy qaralaý maqsatynda tapsyryspen túsirilgen týyndy" ekeni aıtylypty.
Bul týyndydaǵy basty keıipkerdiń rólin somdaǵan Koen dárejeli "Altyn globýs" marapatyn jeńip, fılmniń ózi bolsa "Oskarǵa" nomınaııalanǵan.
Desek te dárejeli Lonely Planet basylymynyń málimetine sáıkes, 2007 jyly Qazaqstan týrısterdiń eń kóp baratyn ondyqtyń qataryna engen. Al 2012 jyly elimizdiń úkimeti halyqtyń ashýyna tıgen fılmniń eldiń týrıstik deńgeıiniń artýyna sebep bolǵanyn moıyndady: Qazaqstanǵa barýǵa beriletin vızalardyń sany 10 ese artqan.
"Biz, qazaqtar, jańa týǵan bıeniń zárin iship, ózimizben birge eshki ertip, syǵandarǵa ańshylyq quramyz", - deıdi fılm keıipkeri Borat. Tipti Qazaqstannyń tuńǵysh prezıdenti Nursultan Nazarbaev Boratqa renjýdiń qajeti joq ekenin, ony qaljyń dep túsiný qajet ekenin jetkizgen.
«Adyrna» ulttyq portaly
