الماتىدا مىڭنان اسا بالا رەسەيلىك ونلاين-مەكتەپتەردە ءبىلىم الادى. قازاقستان بويىنشا ودان دا كوپ، - دەپ حابارلايدى «ادىرنا» ۇلتتىق پورتالى Tengrinews.kz. سايتىنا سىلتەمە جاساپ.
Kazakhstan Press Club ورتالىعىنداعى بريفينگتە جۋرناليست ولگا ارينباساروۆا رەسەيلىك پلاتفورمالاردا ءبىلىم الىپ جاتقان اتا-انالارعا "كەدەرگى" كەلتىرمەي، ءبىلىم الۋىنا تاڭداۋ بەرۋ كەرەگىن ايتتى.
"بالالارعا قايدا جانە قالاي ءبىلىم الۋ تاڭداۋىن بەرۋ ماسەلەسى ءالى كۇنگە دەيىن وزەكتى بولىپ كەلەدى. مىسالى، مەن ءوز بالامنىڭ قايدا وقيتىنىن ءوزىم تاڭداعىم كەلەدى. بالالارى رەسەيلىك پلاتفورمادا ءبىلىم الاتىن بالالاردىڭ اتا-انالارى، وتكەن جىلى كۇزدە الەۋمەتتىك جەلىدە ماسەلە كوتەردى. ولاردىڭ ۇيىنە قامقورشىلىق ورگاندارىنان ماماندار كەلىپ تەسكەرگەن.
ولار بالانىڭ ۇيىندەگى جاعداي قالاي دەپ تەكسەرگەن. بىراق رەسەيلىك پلاتفورمالاردا ءبىلىم الۋ تەگىن ەمەس. ورتاشا ايىنا 100-300 دوللاردان باستاپ اقى تولەيدى. ەگەر اتا-انا بالاسى ءۇشىن ايىنا وسىنشا اقشا تولەي السا، وندا ول ۇيدە تۇرۋ جاعدايى جاقسى بولادى دەگەنى ەمەس پە؟ اتا-انالار بالالارى ءۇشىن تەك جاقسىنى ىزدەيتىنى تۇسىنىكتى. مۇنداي كەزدە ولاردىڭ تۇراتىن جاعدايىن تەكسەرىپ، سترەسس جاساۋدىڭ كەرەگى جوق", - دەدى ول.
"ماسكا تاقپايدى، اسحاناعا بارمايدى". الەم ەلدەرىندە ساباق قالاي وتەدى؟
سونداي-اق، ول الماتىنىڭ وزىندە مىڭنان اسا بالا رەسەيدەگى ونلاين پلاتفورمالاردا ءبىلىپ الىپ جاتقانىن ايتتى.
"الماتىنىڭ وزىندە مىڭنان اسا بالا وقيدى. ال قازاقستان بويىنشا ودان دا كوپ، ەسەپتەۋ قيىن", - دەپ قوستى جۋرناليست.
ال، ءماجىلىس دەپۋتاتى يرينا سميرنوۆا نۇر-سۇلتاندا كوپتەگەن اتا-انا وقۋدىڭ وتباسىلىق فورماسى بولعانى قالايتىنىن اتاپ ءوتتى.
"قوعام بەلسەندىسى ۆەرا سىزدىقوۆانىڭ ايتۋىنشا، بالاسىن وسىنداي پلاتفورمادا وقىتقىسى كەلەتىن 600-دەن اسا اتا-انا كەزەكتە تۇر. ولار قازاقستاندا دا وسىنداي پلاتفورما بولعانىن جانە بالاسىنىڭ قازاقستان تاريحى، قازاق ءتىلى، قازاق ادەبيەتى دەگەن پاندەردى وقىعانىن قالايدى. الايدا ءبىلىم جانە عىلىم مينيسترلىگى ازىرشە مۇنداي مۇمكىندىك ۇسىنباي وتىر", - دەدى دەپۋتات.
ايتا كەتەيىك، بيىل قازاقستانداعى ورتا مەكتەپ وقۋشىلارى قاشىقتان وقيدى. تەك باستاۋىش سىنىپتار ءۇشىن كەزەكشى توپتار اشىلادى. وعان 15 بالادان ارتىق بالا قابىلدانبايدى.
