Almatyda myńnan asa bala reseılik onlaın-mektepterde bilim alady. Qazaqstan boıynsha odan da kóp, - dep habarlaıdy «Adyrna» ulttyq portaly Tengrinews.kz. saıtyna silteme jasap.
Kazakhstan Press Club ortalyǵyndaǵy brıfıngte jýrnalıst Olga Arınbasarova reseılik platformalarda bilim alyp jatqan ata-analarǵa "kedergi" keltirmeı, bilim alýyna tańdaý berý keregin aıtty.
"Balalarǵa qaıda jáne qalaı bilim alý tańdaýyn berý máselesi áli kúnge deıin ózekti bolyp keledi. Mysaly, men óz balamnyń qaıda oqıtynyn ózim tańdaǵym keledi. Balalary reseılik platformada bilim alatyn balalardyń ata-analary, ótken jyly kúzde áleýmettik jelide másele kóterdi. Olardyń úıine qamqorshylyq organdarynan mamandar kelip teskergen.
Olar balanyń úıindegi jaǵdaı qalaı dep teksergen. Biraq reseılik platformalarda bilim alý tegin emes. Ortasha aıyna 100-300 dollardan bastap aqy tóleıdi. Eger ata-ana balasy úshin aıyna osynsha aqsha tóleı alsa, onda ol úıde turý jaǵdaıy jaqsy bolady degeni emes pe? Ata-analar balalary úshin tek jaqsyny izdeıtini túsinikti. Mundaı kezde olardyń turatyn jaǵdaıyn tekserip, stress jasaýdyń keregi joq", - dedi ol.
"Maska taqpaıdy, ashanaǵa barmaıdy". Álem elderinde sabaq qalaı ótedi?
Sondaı-aq, ol Almatynyń ózinde myńnan asa bala Reseıdegi onlaın platformalarda bilip alyp jatqanyn aıtty.
"Almatynyń ózinde myńnan asa bala oqıdy. Al Qazaqstan boıynsha odan da kóp, esepteý qıyn", - dep qosty jýrnalıst.
Al, Májilis depýtaty Irına Smırnova Nur-Sultanda kóptegen ata-ana oqýdyń otbasylyq formasy bolǵany qalaıtynyn atap ótti.
"Qoǵam belsendisi Vera Syzdyqovanyń aıtýynsha, balasyn osyndaı platformada oqytqysy keletin 600-den asa ata-ana kezekte tur. Olar Qazaqstanda da osyndaı platforma bolǵanyn jáne balasynyń Qazaqstan tarıhy, qazaq tili, qazaq ádebıeti degen pánderdi oqyǵanyn qalaıdy. Alaıda Bilim jáne ǵylym mınıstrligi ázirshe mundaı múmkindik usynbaı otyr", - dedi depýtat.
Aıta keteıik, bıyl Qazaqstandaǵy orta mektep oqýshylary qashyqtan oqıdy. Tek bastaýysh synyptar úshin kezekshi toptar ashylady. Oǵan 15 baladan artyq bala qabyldanbaıdy.
foto ashyq derekkózden alyndy.
