19 جاستاعى قىزدىڭ اكەسى قىرعىزستاننىڭ توقماق قالاسىنا كەلدى دەپ حابارلايدى «ادىرنا» ۇلتتىق پورتالى kaktus.media-عا سىلتەمە جاساپ. قىز اتا-اناسىنا كۇيەۋى مەن ونىڭ تۋىستارىنىڭ تاراپىنان ءجيى زورلىق-زومبىلىق كورەتىنىن جەتكىزگەن.
«ەر ادام بارلىق كىنالىلەردى قىلمىستىق جاۋاپقا تارتۋعا بەكىنگەن. قازىرگى تاڭدا ول بۇرىن ۇيلەنىپ، تۇرمىستىق زورلىق-زومبىلىق سالدارىنان اجىراسقان كۇيەۋ بالاسىنىڭ ۇستىنەن ارىز جازدى»، - دەپ مالىمدەدى باسىلىم.
قىزدىڭ ايتۋىنشا، ول 28 جاستاعى جەرگىلىكتى تۇرعىنعا 2019 جىلدىڭ قاراشا ايىندا تۇرمىسقا شىققان. 11 تامىز كۇنى پوليتسياعا حابارلاسىپ، كۇيەۋى مەن ونىڭ تۋىستارىنىڭ جاساعان قىسىمدارى مەن سوققىلارىنا شاعىمدانعان. جابىرلەنۋشىنىڭ تۋىستارى سوڭعى ءۇش كۇندە قىزدى ەركىنەن تىس جەرتولەدە قاماپ ۇستاعان. جاس كەلىن قايىن ەنەسىمەن بولعان ءار جانجالدان كەيىن اس-سۋسىز ءۇيدىڭ جەرتولەسىندە قامالىپ وتىرعانىن جەتكىزگەن.
توقماق تەرگەۋ ورگاندارى بۇل فاكتىنى تىركەپ، تەرگەۋدى باستاپ كەتتى. ءوتىنىش بەرۋشىنىڭ ەنەسى مەن قايىن سىڭلىسىنەن جاۋاپ الىندى، الايدا ولار زورلىق ارەكەتتەرىن كورسەتپەگەندەرىن جەتكىزدى. ال جابىرلەنۋشىنىڭ كۇيەۋى قىزعانىشتان ۇرىپ-سوققانىن مويىندادى.
قازىر ءىستىڭ بارلىق ءمان-جايلارىن انىقتاۋ ءۇشىن تەرگەۋ شارالارى جۇرگىزىلۋدە. ولاردىڭ ناتيجەلەرىنە قۇقىقتىق باعا بەرىلەتىن بولادى. ساراپتاما ناتيجەلەرى بويىنشا، قىز دەنساۋلىعىنا جەڭىل زاقىم كەلتىرىلگەن.
“ادىرنا” ۇلتتىق پورتالى
