19 jastaǵy qyzdyń ákesi Qyrǵyzstannyń Toqmaq qalasyna keldi dep habarlaıdy «Adyrna» ulttyq portaly kaktus.media-ǵa silteme jasap. Qyz ata-anasyna kúıeýi men onyń týystarynyń tarapynan jıi zorlyq-zombylyq kóretinin jetkizgen.
«Er adam barlyq kinálilerdi qylmystyq jaýapqa tartýǵa bekingen. Qazirgi tańda ol buryn úılenip, turmystyq zorlyq-zombylyq saldarynan ajyrasqan kúıeý balasynyń ústinen aryz jazdy», - dep málimdedi basylym.
Qyzdyń aıtýynsha, ol 28 jastaǵy jergilikti turǵynǵa 2019 jyldyń qarasha aıynda turmysqa shyqqan. 11 tamyz kúni polıııaǵa habarlasyp, kúıeýi men onyń týystarynyń jasaǵan qysymdary men soqqylaryna shaǵymdanǵan. Jábirlenýshiniń týystary sońǵy úsh kúnde qyzdy erkinen tys jertólede qamap ustaǵan. Jas kelin qaıyn enesimen bolǵan ár janjaldan keıin as-sýsyz úıdiń jertólesinde qamalyp otyrǵanyn jetkizgen.
Toqmaq tergeý organdary bul faktini tirkep, tergeýdi bastap ketti. Ótinish berýshiniń enesi men qaıyn sińlisinen jaýap alyndy, alaıda olar zorlyq áreketterin kórsetpegenderin jetkizdi. Al jábirlenýshiniń kúıeýi qyzǵanyshtan uryp-soqqanyn moıyndady.
Qazir istiń barlyq mán-jaılaryn anyqtaý úshin tergeý sharalary júrgizilýde. Olardyń nátıjelerine quqyqtyq baǵa beriletin bolady. Saraptama nátıjeleri boıynsha, qyz densaýlyǵyna jeńil zaqym keltirilgen.
“Adyrna” ulttyq portaly
