قازاقستاندىق جاس ءانشى دانەليا تولەشوۆا امەريكالىق «America’s Got Talent» تالانتتار شوۋىنىڭ جارتىلاي فينالىنا ءوتتى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
تانىمال الەمدىك شوۋدىڭ شيرەك فينالى ءبىر كۇن بۇرىن تىكەلەي ەفيدە ءوتتى، جارتىلاي فيناليستەر كورەرمەندەردىڭ داۋىسى ارقىلى تاڭدالدى. داۋىس بەرۋ اقش- تاعى NBC سايتىندا وتكىزىلدى. بىرىنەشە قاتىسۋشى قازىلار القاسىنان قوسىمشا ۇپاي الدى.
«لوس اندجەلستە مەنىڭ جانىمدا انام جانە ۇستازىم ناتاليا الەكساندروۆا بار. ءبىز ساحناعا شىعاردىڭ الدىندا قاتتى قوبالجىدىق. مەن اكادەميالىق پەداگوگ گۇلزات داۋرباەۆامەن قوسىمشا دايىندالدىم. اۋىرىپ تا قالدىم. باقىتىمىزعا وراي، ءبارى تەز ءوتتى. بارشاڭىزعا راحمەت! قولداۋ كورسەتكەندەرىڭىز ءۇشىن العىسىم شەكسىز. مەن قازىر قانداي كۇيدە تۇرعانىمدى سوزبەن ايتىپ جەتكىزە المايمىن. كەرەمەت اتموسفەرا! شابىتتاندىرادى ەكەن. مەن ەندى كەلەسى تۋرعا دايىندالامىن"- دەپ ءبولىستى دانەليا.
بۇگىن شوۋعا قاتىسۋشىلار ءباسپاسوز ءماسليحاتىن وتكىزىپ، اقش-تىڭ باق وكىلدەرىنە سۇحبات بەرەدى.
ەستەرىڭىزگە سالا كەتەيىك، شيرەك فينالدا قازاقستاندىق 14 جاسار جۇلدىز گارري ستايلدىڭ «Sing of the Times» ءانىن تاماشا ورىنداپ شىقتى. وعان كورەرمەندەر مەن قازىلار القاسى ورىندارىنان تىك تۇرىپ قول سوقتى.
سوفيا ۆەرگارا جاس ءانشىنىڭ ونەرىن جوعارى باعالادى.
دانەليا، اناسى جانە ۇستازى اقش-قا بىرنەشە كۇن بۇرىن باردى. شوۋدىڭ بارلىق قاتىسۋشىلارى ءۇشىن مىندەتتى شارت - بۇل كارانتيندىك شارالاردى قاتاڭ ساقتاۋ.
«ءبىز ۇشار الدىندا كوروناۆيرۋسقا تەست تاپسىردىق. اقش-قا كەلگەن سوڭ باسقا قاتىسۋشىلار سياقتى، مىندەتتى كارانتين شارالارىن ساقتادىق، تاعىدا تەست تاپسىردىق. ءبىز قاۋىپسىزدىك شارالارىن قاداعالايمىز، ءتىپتى قىزمەت كورسەتۋدە ەشقانداي بايلانىس بولماس ءۇشىن قوناقۇيدەگى تاماق ەسىككە جەتكىزىلەدى»، دەيدى دانەليانىڭ ۇستازى ناتاليا چۋراكوۆا.
«America’s Got Talant» جارتىلاي فينالىنىڭ ۋاقىتى مەن قازاقستاندىق جۇلدىزدىڭ قانداي كومپوزيتسيا ورىندايتىنى ازىرگە بەلگىسىز.
"ادىرنا" ۇلتتىق پورتالى
