تيران اكەگە نەگە توسقاۋىل جوق؟

3790
Adyrna.kz Telegram

“ارۋجان  ساين! نەگە مەن سەنىڭ قىزمەتىڭدى اتقارۋىم كەرەك؟! مەنىڭ ءاربىر جازعانىمدى وقىپ وتىرسىڭ، بىلەم. ەگەر مىنا ايەل وزىنە قول جۇمساسا، بالالارى كىمگە قالادى؟ قىسقاسى، ورنىڭدى بوساتا سالىپ، زاڭ بىلەتىن ايەل ادامعا وتكىزە سالساڭ يگى ەدى. دۇرىسى سول!!!”

بەلگىلى تەلەجۋرناليست بيبىگۇل داۋلەتبەكقىزى بالالاردى قورعاۋشى ارۋجان ساينعا وسىلاي دەپ ۇندەۋ جولدادى. بىراق ومبۋدسمەننىڭ تاراپىنان ەشقانداي ارەكەت جوق. ۇندەۋ جاۋاپسىز قالۋدا.

2007 جىلى تۇرمىس قۇرعان ءلاززات ەرنازاروۆانىڭ كۇيەۋىنەن كورگەنى تەك قانا تاياق. اكەسى: "اجىراسساڭ ءبىزدى قارابەت قىلاسىڭ" دەگەن ءسوزى سەبەپتى تيران كۇيەۋىنىڭ قورلىعىنا ءتوزىپ جۇرە بەرگەن. سونداي-اق، وزدەرى وڭتۇستىك قازاقستان وبلىسى، جاركەنت قالاسى ماڭىندا تاۋدىڭ باس جاعىنداعى شالعاي اۋىلدا تۇرعان. مىنە، وسىلاي ايدالادا زورلىقتىڭ قۇربانى بولىپ، 4 بالاسىن دۇنيەگە اكەلىپ، بەسىنشىسىنە اياعى اۋىر بولعانىندا قۇرساقتاعى 7 ايلىق بالاسىمەن ۇيدەن قاشىپ كەتكەن. ءلاززاتتىڭ وقيعاسىن تولىعىراق  YouTube جەلىسىندە

">“ايالى الاقان” باعدارلاماسىنان بىلە الاسىز.

ءلاززات ەكى رەت سوتتان جەڭىلدى. ۇشىنشىسىندە «ايالى الاقان» باعدارلاماسىنىڭ ەفيرىنەن شىققاننان كەيىن پانفيلوۆ اۋداندىق سوتى ءلاززات ەرنازاروۆا جاعىنا شىقتى.

وسىدان 2 اپتا بۇرىن بيبىگۇل داۋلەتبەكقىزىنىڭ باستاماسىمەن جالعىز باستى انا 5 بالاسىمەن جاڭا پاتەرگە كوشكەن بولاتىن. الايدا، ەكس-كۇيەۋ 3 جىلدان بەرى لاززاتقا ءالى دە تىنىشتىق بەرەر ەمەس. ەندى كوپبالالى انا ۇرەيدە وتىر. ءلاززات بۇرىنعى كۇيەۋى امانگەلدى مامىرباەۆتىڭ ۇستىنەن الماتى قالاسى، الاتاۋ اۋدانىنا بارىپ شاعىمداندى.

بالالار نەگە اكەلەرىنەن قورقىپ ءومىر ءسۇرۋ كەرەك؟! جات ادامنان تەپەرىش كورگەن بالا اتا-اناسىنان پانا ىزدەيدى. الايدا اتا-انا دا بالاسىنان بەزىنسە، قوعامنىڭ قايدا بارعانى؟ ەت ساسىسا، تۇز سەبەمىز. تۇز ساسىسا نە سەبەمىز؟

 

اياۋلىم ءابىلدا،

“ادىرنا” ۇلتتىق پورتالى

پىكىرلەر