شىمكەنت: اسكەري اۆياتسيا ۇشقىشتارى وقۋ-جاتتىعۋ جۇمىستارىن جۇرگىزۋدە

1419
Adyrna.kz Telegram

ەل ىشىندە əر ءتۇرلى الىپ-قاشپا əڭگىمە ءجۇر. Əۋە كەڭىستىگىندە تىكۇشاقتار جەرگە جاقىن ۇشسا، "ۆيرۋس سەۋىپ ءجۇر" دەپ قاۋىپتەنۋدە. بىراق بۇل قيسىنعا كەلمەيدى. جالعان اقپارات. قالادا تۇنگى ۋاقىتتا دا، كۇندىزگى ۋاقىتتا دا اپتاسىنا ءۇش رەت وتكىزىلەتىن تۇراقتى ۇشۋلار بۇل - شىمكەنت اۆياتسيالىق بازاسىنىڭ اسكەري اۆياتسياسى ۇشقىشتارىنىڭ وقۋ-جاتتىعۋى. ياعني، əسكەري اۆياتسيا توپتىق ۇشۋلاردى پىسىقتاۋعا كىرىستى.

پىسىقتاۋ بارىسىندا پيلوتاجدىق ايماقتارداعى مي-35م جانە مي-171ش تىكۇشاقتارىنىڭ ەكيپاجدارى جۇپتار مەن بۋىندار قۇرامىندا توپتىق ۇشۋ ەلەمەنتتەرىن جۇرگىزۋدە. ۇشقىشتار 50-دەن 1000 مەترگە دەيىنگى كىشى جانە وتە كىشى بيىكتىكتەردە سۇڭگۋ جانە توبەشىكتەر سياقتى كۇردەلى پيلوتاج ەلەمەنتتەرىن ورىنداۋدا. دارىستەر بارىسىندا توپتارعا جيناۋ، قايتا قۇرۋ جانە توپتان تاراۋ كەزىندە ءوزارا ارەكەتتەسۋدى جاقسارتادى. وقۋ-جاتتىعۋدا اۋە ۇرىسىن جۇرگىزۋ جاعدايىندا ەكيپاجداردىڭ جۇمىسىنا ەرەكشە كوڭىل بولىنەدى.
توپتىق ۇشۋلاردىڭ كۇردەلىلىگى ەڭ الدىمەن تىكۇشاقتار اراسىنداعى بەلگىلى ءبىر ارالىقتار مەن قاشىقتىقتى ۇستاپ تۇرۋدان تۇرادى. توپ قۇرامىندا جەتەكشى نەمەسە الدىڭعى بورتتارعا قاتىستى جەتەكشى ەكيپاج 50 مەتر ارالىقتى، رۇقسات ەتىلگەن 3-5 مەتر بيىكتىكتە 70 مەتر قاشىقتىقتى ۇستاپ تۇرۋى كەرەك. بۇرىن مۇنداي ۇشۋدى ورىنداماعان جاس ۇشقىش جەتەكشى كۋرستى ۇستاپ تۇرۋعا جانە سونىمەن بىرگە بورتتىڭ مانەۆر جاساۋىنىڭ تەگىستىگىن باقىلاۋعا تىرىسۋى كەرەك.

ايتا كەتەيىك، ۇشۋ كەزىندە كۇردەلى ۇشۋ ەلەمەنتتەرى ەلدى مەكەندەردىڭ ۇستىندە نەمەسە جاقىن اۋدانداردا ورىندالمايدى. بۇل ەرەجەلەر قاۋىپسىزدىك شارالارىمەن بايلانىستى. اتالعان وقۋ-جاتتىعۋلارى جاۋىنگەرلىك ازىرلىكتى قولداۋعا، اسكەري اۆياتسيا ۇشقىشتارىنىڭ كاسىبي دەڭگەيىن ارتتىرۋعا جانە ۇشۋ داعدىلارىن جەتىلدىرۋگە باعىتتالعان.

 

شىمكەنت گارنيزونىنىڭ ءباسپاسوز قىزمەتى

پىكىرلەر