El ishinde ər túrli alyp-qashpa əńgime júr. Əýe keńistiginde tikushaqtar jerge jaqyn ushsa, "vırýs seýip júr" dep qaýiptenýde. Biraq bul qısynǵa kelmeıdi. Jalǵan aqparat. Qalada túngi ýaqytta da, kúndizgi ýaqytta da aptasyna úsh ret ótkiziletin turaqty ushýlar bul - Shymkent avıaııalyq bazasynyń áskerı avıaııasy ushqyshtarynyń oqý-jattyǵýy. Iaǵnı, əskerı avıaııa toptyq ushýlardy pysyqtaýǵa kiristi.
Pysyqtaý barysynda pılotajdyq aımaqtardaǵy Mı-35M jáne Mı-171Sh tikushaqtarynyń ekıpajdary juptar men býyndar quramynda toptyq ushý elementterin júrgizýde. Ushqyshtar 50-den 1000 metrge deıingi kishi jáne óte kishi bıiktikterde súńgý jáne tóbeshikter sııaqty kúrdeli pılotaj elementterin oryndaýda. Dárister barysynda toptarǵa jınaý, qaıta qurý jáne toptan taraý kezinde ózara árekettesýdi jaqsartady. Oqý-jattyǵýda áýe urysyn júrgizý jaǵdaıynda ekıpajdardyń jumysyna erekshe kóńil bólinedi.
Toptyq ushýlardyń kúrdeliligi eń aldymen tikushaqtar arasyndaǵy belgili bir aralyqtar men qashyqtyqty ustap turýdan turady. Top quramynda jetekshi nemese aldyńǵy borttarǵa qatysty jetekshi ekıpaj 50 metr aralyqty, ruqsat etilgen 3-5 metr bıiktikte 70 metr qashyqtyqty ustap turýy kerek. Buryn mundaı ushýdy oryndamaǵan jas ushqysh jetekshi kýrsty ustap turýǵa jáne sonymen birge borttyń manevr jasaýynyń tegistigin baqylaýǵa tyrysýy kerek.
Aıta keteıik, ushý kezinde kúrdeli ushý elementteri eldi mekenderdiń ústinde nemese jaqyn aýdandarda oryndalmaıdy. Bul erejeler qaýipsizdik sharalarymen baılanysty. Atalǵan oqý-jattyǵýlary jaýyngerlik ázirlikti qoldaýǵa, áskerı avıaııa ushqyshtarynyń kásibı deńgeıin arttyrýǵa jáne ushý daǵdylaryn jetildirýge baǵyttalǵan.
Shymkent garnızonynyń baspasóz qyzmeti
