وزىڭىزگە ۇناعان قاناتشانى تاڭداپ، قورعاۋشىڭىزدىڭ كىم ەكەنىن ءبىلىڭىز. بىرەر مينۋت ويلانىپ، جۇرەك قالاۋىنا قۇلاق سالىڭىز.
ءبىرىنشى قاناتشانى تاڭداساڭىز، ءسىزدىڭ قورعاۋشىڭىز اكەڭىز. اكەڭىز كوزى ءتىرى كەزىندە دە، ومىردەن وتكەننەن كەيىن دە ءسىزدى پالە-جالادان، جاماندىقتان ساقتاپ جۇرەدى. ءسىزدىڭ ادال ءارى باقىتتى ءومىر ءسۇرۋىڭىز ءۇشىن ۇلكەن ەرلىكتەرگە بارۋعا دايار. سوندىقتان اكەڭىزگە قۇرمەتپەن قاراپ جۇرگەنىڭىز ابزال.
ەكىنشى ءنومىرلى قاناتشانى تاڭداساڭىز، ءسىزدىڭ قورعاۋشىڭىز اناڭىز. سۋرەتتەگىدەي بارلىق قيىندىقتان قاناتىمەن قورعاپ، قيىندىقتان سۋىرىپ الۋعا دايار. ءسىزدىڭ اناڭىز ءسىز ءۇشىن سىرتتاي جاقسى جاعدايلار تۋعىزىپ، جولىڭىزدىڭ اشىق بولۋىنا ىقپال ەتىپ جۇرەدى. ونى ارينە ءسىز بىلمەۋىڭىز مۇمكىن. دەگەنمەن اناڭىزدىڭ ءسوزى، ءىسى، دۇعاسى ءسىزدىڭ ءومىرىڭىزدى گۇلدەندىرۋگە سەبەپكەر بولماق.
ءۇشىنشى قاناتشا تاڭداساڭىز، ءسىزدىڭ قورعاۋشىڭىز دۇنيەدەن وتكەن جاقىندارىڭىز. ول ءسىزدىڭ اتا-اجەڭىز، باۋىرىڭىز، تىپتەن اتا-اناڭىز بولۋى مۇمكىن. سوندىقتان ارۋاق رازى بولۋى ءۇشىن جەتى شەلپەك ءپىسىرىپ قويۋدى ۇمىتپاڭىز. دۇنيەدەن وتكەن جاقىندارىڭىز ءسىزدى قورعاۋ ءۇشىن، جاقسىلىق ومىرىڭىزگە ورناۋ ءۇشىن قولايلى جاعدايلار تۋعىزىپ وتىرادى.
ءتورتىنشى سۋرەتتەگى قاناتتى تاڭداعانداردىڭ قورعاۋشىسى سۇيىكتىسى. سۇيگەن ادامىڭىز ءوز ماحابباتىمەن باسىڭىزداعى ماسەلەلەردى شەشۋگە كەلگەندە جانىن سالادى. ءسىزدىڭ جاي عانا جىميۋىڭىز ءۇشىن تاۋ قوپارۋعا دايىن. سۇيىكتىڭىز باردا ءسىز بارسىز! سوندىقتان جانىڭىزعا جاقىن جاندى باعالاي ءبىلىڭىز، وقىرمان!
سۋرەت ماسساگەتتەن الىندى،
"ادىرنا" ۇلتتىق پورتالى
