ساقتىق شارالارىن ساقتاپ، تارتىپكە باعىنعانىمىز دۇرىس!

2583
Adyrna.kz Telegram

 

  17 تامىزدان باستاپ كارانتين شارالارى كەزەڭ-كەزەڭىمەن جەڭىلدەتىلەدى. بۇل تۋرالى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىندا حابارلاندى. كارانتيندى جەڭىلدەتكەن قانشالىقتى دۇرىس؟ ىندەتتى ودان ارمەن ءورشىتىپ المايمىز با؟ ساقتىق شارالارىن ساقتاپ، ىندەت ۇدەۋىنىڭ الدىن الا الامىز با؟ وسى ماسەلە توڭىرەگىندە «ادىرنا» ۇلتتىق پورتالى ءارتۇرلى سالا وكىلدەرىنىڭ پىكىرىن ءبىلدى.

 

ايدار قۇرىمباەۆ، اسابا، رەستوراتور: كارانتيندى شەشۋ كەرەك. ويتكەنى، حالىق كوروناۆيرۋس بار بولسىن، جوق بولسىن ءبارىبىر توي جاسايدى. سول جاعىن ۇكىمەت قاراستىرۋ كەرەك. كارانتيندى جەڭىلدەتپەسە، ۇكىمەت ونەردەگى ازاماتتارعا كومەك بەرۋى كەرەك. ولار دا ادام. بالا-شاعاسى بار، جەيتىن نانى بار.

ايبەك بەكبوسىنوۆ، مادەنيەت سالاسىنىڭ ۇزدىگى: 17 تامىزدان كەيىن قاۋىپ بولماسا، كارانتيننىڭ جەڭىلدەتىلگەنى دۇرىس. نەگە دەسەڭىز قاراپايىم حالىقتىڭ 90-95 پايىزى بازاردا، اۆتوبۋستا، سونىمەن قاتار قارا جۇمىس ىستەيدى. ادامداردىڭ كوبىسى جۇمىسسىز قالدى. قازىرگى  تاڭدا حالىقتىڭ جاعدايى وتە اۋىر. سول تۇرعىدان العاندا جەڭىلدەتىلگەنى دۇرىس. ناقتى قاۋىپتىڭ بار-جوق ەكەنى بەلگىسىز، ساقتىق شاراسىن قولدانعان كۇننىڭ وزىندە جاعداي قيىنداۋ. ال 17-نەن كەيىن جاعداي تۇراقتالار بولسا، بازارلاردى اشۋ كەرەك، قوعامدىق كولىكتەردى جۇرگىزۋ كەرەك. قىسا بەرۋدىڭ ءجونى جوق.

نۇرجان سارقامباەۆ، اكتەر: 17 تامىزدان باستاپ كارانتيننەن كەزەڭ- كەزەڭمەن شىقساق دەيمىن. الايدا، ساقتىق شارالارىن قاتاڭ ساقتاپ، تارتىپكە باعىنعانىمىز دۇرىس. كوپشىلىك جيىن تويلاردان باس تارتىپ، وتباسىنىڭ، جاقىندارىنىڭ دەنساۋلىعىنا جاۋاپكەرشىلىكپەن قاراسا دەيمىن. اللا جازسا، بۇل قيىندىقتاردان دا وتەرمىز. جەڭىستى، جەمىستى كۇندەردە قاۋىشايىق، اعايىن!

ماپرۋزا ۋتۋلەنوۆا، سوليست: كارانتيندى جەڭىلدەتسە، جاقسى بولار ەدى. كەي كۇندەرى اۆتوبۋستار توقتاپ قالادى، ول دەگەن اۆتوبۋس جۇرگىزۋشىسى جۇمىسسىز قالدى دەگەن ءسوز. جانە دە اۆتوبۋستاردى  ازايتقانى دا دۇرىس ەمەس. ويتكەنى ونداي كەزدە ساقتىق شارالارى ساقتالمايدى. كەلەسى ماسەلە سۇلۋلىق سالوندارى، شاشتاراز سياقتى شاعىن بيزنەستەردى توقتاتپاي-اق قويۋعا بولادى. سەبەبى، قازىر ەشكىم ۇزىن-سونار كەزەككە تۇرمايدى. الدىن-الا جازىلىپ قويۋعا بولادى. شىنى كەرەك شارشادىق. كوپشىلىك جينالاتىن شارالار بولماعانى دۇرىس. دەي تۇرعانمەن دە، ەلدەر بىرتە-بىرتە جۇمىستارىنا كىرىسكەنى ءجون. كارانتيندى جەڭىلدەتۋ كەرەك.

«ادىرنا» ۇلتتىق پورتالى

 

پىكىرلەر