17 tamyzdan bastap karantın sharalary kezeń-kezeńimen jeńildetiledi. Bul týraly Asqar Mamınniń tóraǵalyǵymen ótken memlekettik komıssııa otyrysynda habarlandy. Karantındi jeńildetken qanshalyqty durys? Indetti odan ármen órshitip almaımyz ba? Saqtyq sharalaryn saqtap, indet údeýiniń aldyn ala alamyz ba? Osy másele tóńireginde «Adyrna» ulttyq portaly ártúrli sala ókilderiniń pikirin bildi.
Aıdar QURYMBAEV, asaba, restorator: Karantındi sheshý kerek. Óıtkeni, halyq koronavırýs bar bolsyn, joq bolsyn báribir toı jasaıdy. Sol jaǵyn úkimet qarastyrý kerek. Karantındi jeńildetpese, úkimet ónerdegi azamattarǵa kómek berýi kerek. Olar da adam. Bala-shaǵasy bar, jeıtin nany bar.
Aıbek BEKBOSYNOV, mádenıet salasynyń úzdigi: 17 tamyzdan keıin qaýip bolmasa, karantınniń jeńildetilgeni durys. Nege deseńiz qarapaıym halyqtyń 90-95 paıyzy bazarda, avtobýsta, sonymen qatar qara jumys isteıdi. Adamdardyń kóbisi jumyssyz qaldy. Qazirgi tańda halyqtyń jaǵdaıy óte aýyr. Sol turǵydan alǵanda jeńildetilgeni durys. Naqty qaýiptiń bar-joq ekeni belgisiz, saqtyq sharasyn qoldanǵan kúnniń ózinde jaǵdaı qıyndaý. Al 17-nen keıin jaǵdaı turaqtalar bolsa, bazarlardy ashý kerek, qoǵamdyq kólikterdi júrgizý kerek. Qysa berýdiń jóni joq.
Nurjan SARQAMBAEV, akter: 17 tamyzdan bastap karantınnen kezeń- kezeńmen shyqsaq deımin. Alaıda, saqtyq sharalaryn qatań saqtap, tártipke baǵynǵanymyz durys. Kópshilik jıyn toılardan bas tartyp, otbasynyń, jaqyndarynyń densaýlyǵyna jaýapkershilikpen qarasa deımin. Alla jazsa, bul qıyndyqtardan da ótermiz. Jeńisti, jemisti kúnderde qaýyshaıyq, aǵaıyn!
Maprýza ÝTÝLENOVA, solıst: Karantındi jeńildetse, jaqsy bolar edi. Keı kúnderi avtobýstar toqtap qalady, ol degen avtobýs júrgizýshisi jumyssyz qaldy degen sóz. Jáne de avtobýstardy azaıtqany da durys emes. Óıtkeni ondaı kezde saqtyq sharalary saqtalmaıdy. Kelesi másele sulýlyq salondary, shashtaraz sııaqty shaǵyn bıznesterdi toqtatpaı-aq qoıýǵa bolady. Sebebi, qazir eshkim uzyn-sonar kezekke turmaıdy. Aldyn-ala jazylyp qoıýǵa bolady. Shyny kerek sharshadyq. Kópshilik jınalatyn sharalar bolmaǵany durys. Deı turǵanmen de, elder birte-birte jumystaryna kiriskeni jón. Karantındi jeńildetý kerek.
«Adyrna» ulttyq portaly
