ادەتتە گۇلدى نازىك جاندى ارۋلار جاقسى كورەدى. سول سەبەپتى بۇل تەستتى دە بويجەتكەندەرگە ارنالعان دەۋگە بولادى. سىزدەرگە سۋرەتتە بەس گۇل ۇسىنىپ وتىرمىز: ميموزا، قىزعالداق، ىنجۋگۇل (لاندىش) بايشەشەك، زاعىپىران (كروكۋس).
1. ءبىرىنشى ميموزا گۇلىن تاڭداساڭىز، ءسىزدى كۇز ايىندا ءبىراز وزگەرىستەر كۇتىپ تۇر دەگەن ءسوز. باستىسى – ودان شوشىنباي، جاقسى قابىلداي ءبىلىڭىز. بارلىعى دا جاقسىلىققا، رەتىمەن بولادى. تەك ۋايىمداماڭىز. جانە قالتاداعى قارجىڭىزدى قىسىپ ۇستاۋعا تىرىسىڭىز. اقشانى وندى-سولدى شاشا بەرسەڭىز وكىنىپ قالۋىڭىز مۇمكىن.
2. قىزعالداق تاڭداۋى ءسىزدىڭ ارمانىڭىزدى ورىندايدى. سوندىقتان باتىل تۇردە جوسپارلار قۇرىپ، نوبايىن جاساي بەرىڭىز. ومىرىڭىزدە بارلىعى دا ويلاماعان جەردەن ءوز ورنىنا قويىلادى. تىپتەن اۋلەتىڭىزدە ۇلكەن توي دا بولۋى مۇمكىن.
3. مەرۋەرتگۇل نە ىنجۋگۇلدى تاڭداساڭىز، ءسىزدى نازىكتىك پەن رومانتيكا كۇتىپ تۇر. كۇزدە ءسىز گۇل اشىپ، قۇلپىرا تۇسەسىز. ونىڭ سەبەبى – ارينە، ماحاببات بولماق. بۇل سەزىم ءسىزدى قايتا شىرماپ الادى، دايىن بولىڭىز. ماحابباتىڭىزدىڭ سوڭى ۇيلەنۋگە كەلىپ تىرەلەدى.
4. بايشەشەك – ەڭبەگىڭىزدىڭ زەينەتىن كورەتىنىڭىزدى بىلدىرەدى. بار جەتىستىگىڭىز باعالانادى. كۇز بويى وسى ۋاقىتقا دەيىن سىڭىرگەن ەڭبەگىڭىزدىڭ جەمىسىن جەپ، جاقسىلاپ دەمالاسىز.
5. زاعىپىران گۇلى ەڭ ۇزدىك جەڭىستى اكەلەدى. كوكتەم مەزگىلى اياقتالعانشا سول جەتىستىكتىڭ راحاتىن كورەسىز. جاڭا ءۇمىتتىڭ اقتالۋىنا تاعى دا مول قۋات جينايسىز. ءومىردىڭ ءار قىرىندا ءوزىڭىزدى ەڭ جاقسى جاعىنان كورسەتەسىز.
massaget.kz
