«قۇران وقيمىن، Kaspi Gold-ىما تاعى 30 مىڭ تەڭگە جىبەر!» – يمام اقشا تالاپ ەتكەن

1549

تۋىسقانى كوروناۆيرۋستان قايتىس بولعان نۇر-سۇلتان قالاسىنىڭ تۇرعىنى يمامنىڭ ىنساپسىزدىعىن ايتتى. 

ەلىمىزدە  جاقىنىنان ايىرىلىپ، قايعى جامىلعان  وتباسى كوپ. ەلوردا تۇرعىنى ايمان ەلەمەس (اتى-ءجونى وزگەرتىلدى – رەد.) تە جاقىندا عانا جەڭگەسىنەن ايىرىلدى. الەمدى جايلاعان دەرتتىڭ كەسىرىنەن اياقاستى تۋعانىنان ايىرىلعان وتباسىنىڭ قوياندىداعى يمامعا وكپەسى قارا قازانداي. نەگە دەيسىز عوي؟ ول مارقۇمنىڭ جانازاسىن شىعارۋ ءۇشىن قايعىدان قان جۇتىپ وتىرعان وتباسىدان 50 مىڭ تەڭگە سۇراعان. مۇنىمەن قويماي، كەشكە جاقىن «مەنىڭ Kaspi Gold-ىما تاعى 30 مىڭ تەڭگە اۋدارىپ جىبەرىڭىزدەر، قىرقىنا دەيىن قۇران وقىپ تۇرۋىم كەرەك» دەپتى.

ايمان ەلەمەستىڭ جارىنان ايىرىلعان اعاسى يمامنىڭ بۇل ارەكەتى ۇناماسا دا، سۇراعانىن بەرىپتى. ويتكەنى تۋرا جۇبايىن جەرلەيىن دەپ جاتقاندا ەشكىمدى تابا الماعان.

«باعاسىن ايتپاسا دا، بەرەر ەدىك قوي. مىناداي قيىن كەزەڭدە يمامنىڭ بۇل ارەكەتى بىزگە اۋىر ءتيدى. ىندەتتەن اياۋلى انامىز بەن جەڭگەمىز كوز جۇمدى. قازىر وتباسىمىزبەن ەسىمىزدى جيا الماي وتىرمىز. بىلەسىزدەر، جەرلەۋ ءراسىمىن كوپكە سوزباي، تەز اياقتاۋعا تىرىسىپ جاتىر. ونىڭ قىرقىنا دەيىن قۇران وقىپ جۇرگەنىن ءبىز قالاي بىلە الامىز؟ وسىنداي كەزدە قالاي مۇنداي ارسىزدىققا بارۋعا بولادى؟»، – دەدى ايمان ەلەمەس.

بەلگىلى بولعانداي، وقيعا ەلوردا ىرگەسىندەگى قوياندى اۋىلىندا بولعان.

 اقپارات كوزى Aikyn.kz

 

پىكىرلەر
رەداكتسيا تاڭداۋى