«Quran oqımyn, Kaspi Gold-yma taǵy 30 myń teńge jiber!» – ımam aqsha talap etken

675

Týysqany koronavırýstan qaıtys bolǵan Nur-Sultan qalasynyń turǵyny ımamnyń ynsapsyzdyǵyn aıtty. 

Elimizde  jaqynynan aıyrylyp, qaıǵy jamylǵan  otbasy kóp. Elorda turǵyny Aıman Elemes (aty-jóni ózgertildi – red.) te jaqynda ǵana jeńgesinen aıyryldy. Álemdi jaılaǵan derttiń kesirinen aıaqasty týǵanynan aıyrylǵan otbasynyń Qoıandydaǵy ımamǵa ókpesi qara qazandaı. Nege deısiz ǵoı? Ol marqumnyń janazasyn shyǵarý úshin qaıǵydan qan jutyp otyrǵan otbasydan 50 myń teńge suraǵan. Munymen qoımaı, keshke jaqyn «Meniń Kaspi Gold-yma taǵy 30 myń teńge aýdaryp jiberińizder, qyrqyna deıin Quran oqyp turýym kerek» depti.

Aıman Elemestiń jarynan aıyrylǵan aǵasy ımamnyń bul áreketi unamasa da, suraǵanyn beripti. Óıtkeni týra jubaıyn jerleıin dep jatqanda eshkimdi taba almaǵan.

«Baǵasyn aıtpasa da, berer edik qoı. Mynadaı qıyn kezeńde ımamnyń bul áreketi bizge aýyr tıdi. Indetten aıaýly anamyz ben jeńgemiz kóz jumdy. Qazir otbasymyzben esimizdi jııa almaı otyrmyz. Bilesizder, jerleý rásimin kópke sozbaı, tez aıaqtaýǵa tyrysyp jatyr. Onyń qyrqyna deıin Quran oqyp júrgenin biz qalaı bile alamyz? Osyndaı kezde qalaı mundaı arsyzdyqqa barýǵa bolady?», – dedi Aıman Elemes.

Belgili bolǵandaı, oqıǵa elorda irgesindegi Qoıandy aýylynda bolǵan.

 Aqparat kózi Aikyn.kz

 

Pikirler
Redakııa tańdaýy