شىمكەنت قالاسىنىڭ اكىمى م.ايتەنوۆتىڭ قالادان شالعاي ورنالاسقان ەلدىمەكەندەردى ينفراقۇرىلىم جۇيەلەرىمەن قامتاماسىز ەتۋ تۋرالى تاپسىرماسىنا سايكەس، ءال-فارابي اۋدانىنداعى تەكەسۋ تۇرعىن الابىندا ينفراقۇرىلىم ماسەلەسى ءوز شەشىمىن تاپتى.
انىعىراق ايتار بولساق، اعىمداعى جىلى اتالعان تۇرعىن الاپقا شاعال تاس توسەلىپ، 3 كوشەگە اسفالت توسەۋ جۇمىستارى جۇرگىزىلدى. ال وتكەن جىلى نەگىزگى كوشەسىنە دەمەۋشىلەر تاراپىنان جارىق باعانالارى ورناتىلعان بولاتىن.
بۇعان دەيىن تۇرعىندار ەلەكتر جانە گاز جۇيەسىمەن تولىعىمەن قامتاماسىز ەتىلگەن بولاتىن. ۇزدىكسىز اۋىز سۋمەن قامتاماسىز ەتۋ ماقساتىندا، اۋىز سۋ جۇيەسىنە اعىمداعى جوندەۋ جۇمىستارىن جۇرگىزۋ ءۇشىن بيۋدجەتتەن 17 ملن. تەڭگە قارجى قارالعان. قازىرگى تاڭدا جوندەۋ جۇمىستارى اياقتالىپ، تۇرعىنداردىڭ پايدالانۋىنا بەرىلدى.
شىمكەنت قالاسى اكىمىنىڭ ءباسپاسوز قىزمەتى
