بۇل تۋرالى قالا اكىمىنىڭ ورىنباسارى ايبەك ساتتىباەۆ شاھاردى تسيفرلاندىرۋ بويىنشا وتكەن جينالىستا قالا اكىمى مۇرات ايتەنوۆكە باياندادى.
اكىمنىڭ تاپسىرماسىنا سايكەس قالالىق جەر قاتىناستارى باسقارماسى بايلانىس انتەننالارىن ورناتۋ ءۇشىن 11 جەر تەلىمىن ءبولىپ، ولاردى زاڭداستىرۋ تۋرالى قاۋلى شىعاردى.
ا.ساتتىباەۆتىڭ ايتۋىنشا، بايلانىس انتەنناسىن ورناتۋدى ينۆەستور ءوز ەسەبىنەن جۇرگىزەدى. ودان ءارى ۇيالى بايلانىس وپەراتورلارى وزدەرىنىڭ بازالىق ستانتسيالارىن وسى قۇرىلعىعا جالعايدى.
«ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنا تيەسىلى جارىقتاندىرۋ باعاندارىنا ءموبيلدى وپەراتورلاردىڭ بازالىق ستانتسيالارىن ينۆەستور ورناتاتىن نەعۇرلىم تۇراقتى باعاندارعا اۋىستىرۋدى ۇسىنامىز. اتاپ ايتقاندا، جۇك كوتەرگىشتىگى 1.5 - 2 توننا بولادى. بىرەۋىنىڭ قۇنى شامامەن 2 – 2,7 ملن. تەڭگەنى قۇرايدى. بۇل جوبانى جۇزەگە اسىرۋ ءۇشىن ارنايى جول كارتاسى جاسالدى»، - دەدى اكىم ورىنباسارى.
سونداي-اق، ءموبيلدى ينتەرنەت پەن بايلانىستىڭ ساپاسىن جاقسارتۋ شەڭبەرىندە تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ وكىلدەرى شىمكەنتتە ۇيالى بايلانىستىڭ ناشار ايماقتارىن، ياعني ءولى ايماقتاردى انىقتاۋ بويىنشا جۇمىس جۇرگىزدى.
سونىمەن قاتار، وسى جابدىقتى ورناتۋ ءۇشىن 43 مەكەنجاي كورسەتىلگەن جول كارتاسى دايىندالدى.
ايتا كەتۋ كەرەك، بۇل ۋچاسكەلەر ۇيالى بايلانىس وپەراتورلارىنىڭ ستاتيستيكاسى مەن قالا قۇرىلىسىنىڭ ەرەكشەلىكتەرىن ەسكەرۋسىز قالا كوشەلەرىندەگى درايۆ-تەست ناتيجەلەرى بويىنشا انىقتالعان.
بۇدان باسقا، زەرتتەۋ جۇرگىزۋ جانە بازالىق ستانتسيالاردى ورناتۋ ماقساتىندا ارنايى توپ قۇرىلدى. توپ جۇمىسىنا تسيفرلاندىرۋ باسقارماسىنىڭ، جەر قاتىناستارى باسقارماسىنىڭ وكىلدەرى، سونداي-اق 43 جەر ۋچاسكەسىنىڭ ارقايسىسىنان بايلانىس وپەراتورلارىنىڭ ماماندارى تارتىلدى.
سالا مامانداردىڭ مالىمەتىنشە، كوپتەگەن پروبلەمالار ءۇي-جايلاردىڭ ىشىندە قىزمەتتەردى پايدالانۋ كەزىندە، تۇرعىن ءۇي كەشەندەرىنە تىكەلەي جاقىن جەردە بازالىق ستانتسيالار بولماعان كەزدە تۋىندايتىنىن ايتۋدا.
اتقارىلىپ جاتقان جۇمىستاردى تىڭداعان قالا باسشىسى جاۋاپتى ماماندارعا ءتيىستى تاپسىرمالار جۇكتەدى.
شىمكەنت قالاسى اكىمىنىڭ ءباسپاسوز قىزمەتى
