اباي جولى

2226
Adyrna.kz Telegram

كىتاپحانالاردىڭ اۋاسى - ...

ءارىپتىڭ ءاتىرى!...
مايىسقاق سورەلەر...
توبەدە "جارىق كۇنى" - اقىلى!...
حالىقتىڭ اقىنى قالىپتى سورەگە جەتكەن،
ورەگە جەتپەي، جۇرتىنان، جالىقتى ما اقىرى؟!...

اڭىز بەن ابىزدار...
كىتاپتار...
سوزدەردىڭ دەمى...
ايتاتىنى بار - قايتاتىن كەزدەردىڭ كەرى!...
"باياعى جارتاس سول جارتاس" باعزى كۇندەردىڭ
وزەۋرەگەنى مە بىلمەدىم...
وزگەردىم! - دەدى...

سوزدەردەن تۇرادى ويلارمەن سيقىر مۇنداعى!....
كىتاپحانالاردىڭ قانشاسى ۇيقىمدى ۇرلادى...
وزگەرگەن نە بار؟...ءومىر - اي، باس كوتەرتپەيدى
"باس - باسىنا بي بولعان قيقىم" جۇرناعى!...

جالعاسىپ جاتىر بۇل ءومىر جاڭا باستالىپ،
الاسى الايادى، قارامەن ارالاس حالىق!...
قارا ولەڭ وقيمىن، قامىقسام، قاراڭعى تۇندە
تولعان اي تۋعاندا توبىعى جالاڭاشتانىپ!...

وركەنيەتىڭە ال، ەندى قاراشى وزگەنىڭ....
وزگەردىم دەيسىڭ...
وزگەرگەن شاماسى، ءوز دەمىم!...
قارا شاڭىراقتىڭ تورىنەن ۇلى اباي كەتپەسىن،
قارا قازاعىمنىڭ كۇزەتكەن قارا سوزدەرىڭ!

شايىردان قالعان شىم باتىپ شەر، نالا، مۇڭعا
كۇن كەشكەن كىتاپ ىشىندە، مەن عانامىن با؟...
اقىل ىزدەسەم - كىتاپقا كىرىپتار بولامىن،
ىزدەرىڭ كورەمىن، ىزدەگەن تەلعارانىڭ دا!

جيدەگى پىسكەن جىرلاردىڭ جيدەبايداعى
اڭىزدىڭ وتىڭا اڭىراپ كۇيگەن ايعاعى!
ء"ىشى - ولگەن، سىرتى - ساۋلاردىڭ" سانىندا بارمىن
جاستىعىم وتكەن جاستىق پەن سۇيگەن اينانى!

بۇل ءداۋىر قايتا اينالىپ الىپقا كەلدى...
الىپتار الىپ شىعادى تامۇقتان ەلدى!...
شارىقتاۋ شەگى - اسپان با، ازات قۇستاردىڭ؟...
كولەڭكەلەرى قاسىندا قالىقتاپ ەردى!..

كورەگەندىگىڭ دە كورەمىن حاكىم ابايدىڭ...
حاكىم ابايعا جىر جازسام، حاتىما ابايمىن!
اۋەزوۆ كەلىپ، اۋەلى تەكسەرەتىندەي...
ءسوزىمنىڭ ءبارىڭ سانامدا ساحنالايمىن!

قالىڭ ويلاردىڭ باستايدى تىزبەگىڭ ارمان...
كىتاپقا قارايمىن...
ىشىندە - بىزدەگى جالعان!...
بابالار جولىڭ جالعايىن، باعانالى جۇرتتا
"وشپەيتۇعىن ارتىندا ىزدەرى قالعان!"

شۇعىلا، نۇرعا بويالعان قۇبىلام - جىر ما؟!...
ءبىر عاسىر دەگەن نە ءتايىرى؟..
ءتىرى جامبىل ما؟!..
اباي جولىڭداي ماڭگىلىك جول بەرە گور، اللا
ۇلىلار شەرۋ قۇراتىن - ۇلى داڭعىلدا!

ءاۋمين!

 

التىنبەك ەلەمەسۇلى

پىكىرلەر