مىندەتتى الەۋمەتتىك مەديتسينالىق ساقتاندىرۋ قورى (مامسق) شىعىنى 75 ملن تەڭگەنى قۇرايتىن 11 مىڭنان استام جالعان قابىلداۋ جاساعان ەمحانالاردى انىقتادى. بۇل تۋرالى قوردىڭ ءباسپاسوز قىزمەتى حابارلادى. ونداعان مىڭ ادامنىڭ سىرتىنان ەمحانا «قابىلداۋ جاسادىق» دەپ، جالعان اقپار بەرىپ، بيۋدجەت قارجىسىن تالان تاراجعا تۇسىرگەن.
ەمحانالار نەگە بۇل قادامعا بارعان؟ ويتكەنى وسىنشاما ادامعا قىزمەت كورسەتتىك دەسە، مامسق-دان كەپىلدەندىرىلگەن قوردان اقشا بولەدى. مىنە، وسى سەبەپپەن ەلىمىزدەگى كەيبىر ەمحانالار قوردان «وڭاي» اقشا جاساپ قالۋعا جانتالاسقان. بۇل جاعداي وسى جىلدىڭ سوڭعى التى ايىندا ورىن العان.
وزدەرىندە تىركەلگەن ازاماتتاردى «تەگىن ەمدەلدى» دەپ سىرتىنان ونلاين ويىن جۇزەگە اسىرعان ەمحانالار مامسق-عا «قاتىرىپ جاتىرمىز» دەپ ەسەپ بەرىپ وتىرعان. قوردىڭ ءباسپاسوز قىزمەتىنىڭ حابارلاۋىنشا، زاڭ بۇزۋشىلىققا جول بەرگەن مەديتسينالىق مەكەمەلەرگە ايىپپۇل سالىنادى.
ايىپپۇل كولەمى مەديتسينالىق قىزمەت كورسەتۋ قۇنىنىڭ 300 پايىزىن قۇرايدى. سونىمەن قاتار قور وكىلدەرى ازاماتتارعا وزدەرىنە قانداي مەديتسينالىق قىزمەت كورسەتىلگەنى جونىندە ارنايى اقپاراتتىق جۇيەدە تەكسەرىپ وتىرا الاتىندارىن دا جەتكىزدى.
كورسەتىلمەگەن مەديتسينالىق قىزمەت تۋرالى اقپاراتتى 1406 تەلەفون نومىرىنە نەمەسە Qoldau 24/7/ ءموبيلدى قوسىمشاسى ارقىلى حابارلاۋىڭىزعا بولادى.
«ادىرنا» ۇلتتىق پورتالى.
