Mindetti áleýmettik medıınalyq saqtandyrý qory (MÁMSQ) shyǵyny 75 mln teńgeni quraıtyn 11 myńnan astam jalǵan qabyldaý jasaǵan emhanalardy anyqtady. Bul týraly qordyń baspasóz qyzmeti habarlady. Ondaǵan myń adamnyń syrtynan emhana «qabyldaý jasadyq» dep, jalǵan aqpar berip, bıýdjet qarjysyn talan tarajǵa túsirgen.
Emhanalar nege bul qadamǵa barǵan? Óıtkeni osynshama adamǵa qyzmet kórsettik dese, MÁMSQ-dan kepildendirilgen qordan aqsha bóledi. Mine, osy sebeppen elimizdegi keıbir emhanalar qordan «ońaı» aqsha jasap qalýǵa jantalasqan. Bul jaǵdaı osy jyldyń sońǵy alty aıynda oryn alǵan.
Ózderinde tirkelgen azamattardy «tegin emdeldi» dep syrtynan onlaın oıyn júzege asyrǵan emhanalar MÁMSQ-ǵa «qatyryp jatyrmyz» dep esep berip otyrǵan. Qordyń baspasóz qyzmetiniń habarlaýynsha, zań buzýshylyqqa jol bergen medıınalyq mekemelerge aıyppul salynady.
Aıyppul kólemi medıınalyq qyzmet kórsetý qunynyń 300 paıyzyn quraıdy. Sonymen qatar qor ókilderi azamattarǵa ózderine qandaı medıınalyq qyzmet kórsetilgeni jóninde arnaıy aqparattyq júıede tekserip otyra alatyndaryn da jetkizdi.
Kórsetilmegen medıınalyq qyzmet týraly aqparatty 1406 telefon nómirine nemese Qoldau 24/7/ mobıldi qosymshasy arqyly habarlaýyńyzǵa bolady.
«Adyrna» ulttyq portaly.
