دەنساۋلىق ساقتاۋ مينيسترلىگى جۇمىسقا PR-ماماندار، رەداكتورلار، ديزاينەرلەر، فوتو جانە ۆيدەو تۇسىرەتىن ماماندار ىزدەپ جاتىر. مۇنى "كۋرسيۆ كز" سايتى حابارلادى.
مامان ىزدەۋدى Facebook جەلىسى ارقىلى حابارلاعان جاسىل تەحنولوگيامەن اينالىساتىن ۇيىم تۇيىندەمەگە دەنساۋلىق ساقتاۋ مينيسترلىگىنىنىڭ ەلەكتروندى پوشتاسىن كورەتكەن.
حابارلامادا كومپانياعا قولعا 300 مىڭ تەڭگە ايلىق الاتىن رەداكتورلار، 450 مىڭ ايلىققا PR-مەنەدجەرلەر، 250 مىڭ تەڭگە ايلىققا – SMM-مەنەدجەرلەر، 300 مىڭ ايلىققا – فوتوگرافتار مەن ۆيدەگرافتار جانە كوورديناتور-كومەكشىلەر كەرەك ەكەنى جازىلعان. سونىمەن قاتار، بارلىق قىزمەتتەردىڭ اڭگىمەلەسۋ بارىسىندا تالقىلاناتىنى ايتىلعان.
مينيسترلىكتىڭ رەسمي وكىلى باعدات قوجاحمەتوۆ حابارلاندىرۋدىڭ ۆەدومستۆوعا قاتىسى بار ەكەنىن راستاپ: «بىزگە راسىمەن، PR-ماماندار كەرەك. جالاقىنىڭ كولەمى ءارتۇرلى. ول دەنساۋلىق ساقتاۋ مينيسترلىگىنەن، «سق-فارماتسيا» كومپانياسىنان، الەۋمەتتىك-مەديتسينالىق ساقتاندىرۋ قورىنان تولەنەدى. ءتۇرلى پوزيتسياداعى ماماندى دسم-ءنىڭ ءارتۇرلى بولىمىنە شاقىرۋعا ءماجبۇرمىز. الدىمىزدا مينيسترلىكتىڭ اقپارات ورتالىعىن قۇرۋ مىندەتى تۇر. وندا جۇيەنىڭ قوعاممەن بايلانىسقا جاۋاپ بەرەتىن بارلىق قىزمەتكەرى جۇمىس ىستەيدى»، - دەپ پىكىر ءبىلدىردىرىپتى.
ەسكە سالا كەتسەك، تسوي مىرزا شىلدەنىڭ ورتا تۇسىندا "باق پەن الەۋمەتتىك جەلىلەردە Covid-19 تۋرالى نەگاتيۆ حابارلامالار 10 پايىزدان اسپاۋى كەرەك" دەگەن ەدى. رەداكتورلار مەن رR مەنەدجەرلەرىن قاجەتسىنگەنىنە قاراعاندا، الگى ءسوزىن جۇزەگە اسىرۋعا شىنداپ كىرىسكەلى جاتقان سياقتى. ونىڭ ۇستىنە قىزمەتكە الاتىن ماماندارعا تالايدى زار قاقساتقان «سق-فارماتسيا» كومپانياسىنان اقشا تولەمەكشى. مينيسترلىك ميلليونداردى پيارعا ەمەس، ەمگە نەگە جۇمسامايدى؟
جانبولات سارىقاسقا،
"ادىرنا" ۇلتتىق پورتالى
