Densaulyq saqtau ministrlıgı jūmysqa PR-mamandar, redaktorlar, dizainerler, foto jäne video tüsıretın mamandar ızdep jatyr. Mūny "Kursiv kz" saity habarlady.
Maman ızdeudı Facebook jelısı arqyly habarlaǧan jasyl tehnologiiamen ainalysatyn ūiym tüiındemege Densaulyq saqtau ministrlıgınınıŋ elektrondy poştasyn köretken.
Habarlamada kompaniiaǧa qolǧa 300 myŋ teŋge ailyq alatyn redaktorlar, 450 myŋ ailyqqa PR-menedjerler, 250 myŋ teŋge ailyqqa – SMM-menedjerler, 300 myŋ ailyqqa – fotograftar men videgraftar jäne koordinator-kömekşıler kerek ekenı jazylǧan. Sonymen qatar, barlyq qyzmetterdıŋ äŋgımelesu barysynda talqylanatyny aitylǧan. Ministrlıktıŋ resmi ökılı Baǧdat Qojahmetov habarlandyrudyŋ vedomstvoǧa qatysy bar ekenın rastap: «Bızge rasymen, PR-mamandar kerek. Jalaqynyŋ kölemı ärtürlı. Ol Densaulyq saqtau ministrlıgınen, «SQ-Farmasiia» kompaniiasynan, Äleumettık-medisinalyq saqtandyru qorynan tölenedı. Türlı pozisiiadaǧy mamandy DSM-nıŋ ärtürlı bölımıne şaqyruǧa mäjbürmız. Aldymyzda ministrlıktıŋ aqparat ortalyǧyn qūru mındetı tūr. Onda jüienıŋ qoǧammen bailanysqa jauap beretın barlyq qyzmetkerı jūmys ısteidı», - dep pıkır bıldırdırıptı.Eske sala ketsek, Soi myrza şıldenıŋ orta tūsynda "BAQ pen äleumettık jelılerde Covid-19 turaly negativ habarlamalar 10 paiyzdan aspauy kerek" degen edı. Redaktorlar men RR menedjerlerın qajetsıngenıne qaraǧanda, älgı sözın jüzege asyruǧa şyndap kırıskelı jatqan siiaqty. Onyŋ üstıne qyzmetke alatyn mamandarǧa talaidy zar qaqsatqan «SQ-Farmasiia» kompaniiasynan aqşa tölemekşı. Ministrlık milliondardy piarǧa emes, emge nege jūmsamaidy?
Janbolat Saryqasqa,
"Adyrna" ūlttyq portaly
