الەۋمەتتىك جەلىلەردە پرەمەر-مءينيستردىڭ ورىنباسارى ە. توعجانوۆ پەن دەنساۋلىق ساقتاۋ ءمينيسترى ا. تسويدىڭ شىلدەنىڭ وتىزى كۇنگى بريفينگتە حالىقتى جاپپاي ماسكا تاعۋعا مىندەتتەگەن تالابى سىنعا الىندى. مينيستر ەڭبەكتەگەن بالادان، ەڭكەيگەن قارتقا دەيىن ماسكا تاعۋى ءتيىس دەگەن تالاپ قويدى. ال پەدياترلار 2-3 جاسقا دەيىنگى بالالارعا بەتپەردە تاعۋ قاۋىپتى ەكەنىن بۇعان دەيىن تالاي ەسكەرتكەن. حالىقتىڭ جاپپاي قارسى شىققانىنان بولار، مينيستر ا. تسوي كوپ وتپەي-اق بۇل تالاپتىڭ اشىق الاڭدا جاتتىعۋ جاساۋشىلار مەن ويناپ جۇرگەن بالالارعا قاتىستى ەمەستىگىن ايتىپتى.
شىلدەنىڭ 30 كۇنگى وكق-دەگى بريفينگتە قوعامدىق ورىنداردا ماسكا تاعىپ جۇرۋگە بايلانىستى جۋرناليستەردىڭ سابيلەرگە ارنالعان ماسكانى قايدان الۋعا بولاتىنى جايلى سۇراعىنا پرەمەر-ءمينيستردىڭ ورىنباسارى ە. توعجانوۆ ءدارىحانالاردان الاتىنىن ايتسا، دەنساۋلىق ساقتاۋ ءمينيسترى ا. تسوي داكەدەن جاساپ الۋعا بولاتىنىن تاپتىشتەپ ۇيرەتكەن.
دەنساۋلىق ساقتاۋ ءمينيسترى سابيلەردىڭ ماسكا تاعۋىنان بالەندەي ماسەلە كورمەيدى ەكەن. ونىڭ ويىنشا، ۇلكەندەرگە ارنالعان بەتپەردەنى ءسابيلەرگە شاقتاپ نەمەسە داكەنى بىرنەشە رەت وراپ تا جاساپ الۋعا بولادى.
پاندەميا باستالعالى بەرى شەتەلدىك پەدياترلار دا، وتاندىق پەدياترلور دا ەكى-ءۇش جاسقا دەيىنگى بالالاردىڭ بەتپەردە تاعۋى وتە قاۋىپتى ەكەندىگىن ەسكەرتىپ كەلەدى. ماڭعىستاۋلىق دارىگەرلەردىڭ ايتۋىنشا، ءۇش جاسقا تولماعان بالالاردىڭ تىنىس الۋ جۇيەسىنىڭ فيزيولوگيالىق ەرەكشەلىگىنە بايلانىستى بەتپەردە تاعۋ ولاردىڭ دەنساۋلىعىنا زيان كەلتىرۋى مۇمكىن (https://www.lada.kz/).
ال پاندەميانىڭ باستاپقى كەزىندە-اق جاپونيانىڭ پەدياترلار اسسوساتسياسى ەكى جاسقا تولماعان بالالارعا ماسكا تاعۋعا بولمايتىنىن ەسكەرتسە، رف دەنساۋلىق ساقتاۋ مينيسترلىگىنىڭ بالالار دەنساۋلىعىن ساقتاۋ ورتالىعى ءۇش جاسقا تولماعان بالالاردىڭ ماسكا تاعۋى دەنساۋلىققا ايتارلىقتاي كەرى اسەرىن تيگىزەتىنىن ايتقان.
مامانداردىڭ پىكىرىنشە، بۇل ەكى-ءۇش جاسقا دەيىنگى بالالاردىڭ تىنىس الۋ جولدارى تىم كىشكەنتاي، سول سەبەپتەن ماسكا دەمالۋعا كەدەرگى كەلتىرىپ، ءتىپتى تۇنشىقتىرۋى مۇمكىن. سونداي-اق ماسكا جۇرەككە دە ارتىق كۇش ءتۇسىرىپ، ۇيقىشىلدىقتى، مازاسىزدىقتى تۋدىرىپ، تەز شارشاتادى.
تايلاندتا پەرزەنتحانالاردا ۆيرۋستىڭ الدىن الۋ ءۇشىن جاڭا تۋعان سابيلەرگە ارنالعان ارنايى قورعانىش-ماسكاسىن سىيعا تارتىپ وتىرعان. پەدياترلار مۇنداي ماسكالار دا بالالار ءۇشىن وتە قاۋىپتى ەكەندىگىن ەسكەرتەدى.
بۇدان بولەك، 1 تامىز ساعات 11.00-گە بەلگىلەنگەن قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ «قازاقستانداعى COVID-19 جانە پنەۆمونيا ستاتيستيكاسىن بىرىكتىرۋ» ماسەلەسىنە بايلانىستى ءباسپاسوز كونفەرەنتسياسىن دا باستالۋىنا ساناۋلى ۋاقىت قالعاندا دۇيسەنبى كۇنگە اۋىستىردى. كونفەرەنتسيانىڭ سپيكەرلەرىنىڭ قاتارىندا قر دەنساۋلىق ساقتاۋ ءمينيسترى الەكسەي تسوي، قر دەنساۋلىق ساقتاۋ ۆيتسە-ءمينيسترى اجار عينايات، ددسۇ ەۋروپالىق بيۋروسىنىڭ توتەنشە جاعدايلار جونىندەگى ايماقتىق ديرەكتورى، ددسۇ-نىڭ قازاقستانداعى وكىلدىگىنىڭ باسشىسى دوكتور كارولين كلارينۆال بار.
ەلىمىزدىڭ بىلدەي ورتالىق كومكوممۋنيكاتسيالار قىزمەتى ءباسپاسوز كونفەرەنتسياسىن ساناۋلى مينۋتتاردا كەيىنگە شەگەرگەنىنە قاراعاندا، ماسەلە ءالى دە شەشىمىن تاپپاعان سىڭايلى.
ونسىزدا ۆيرۋستان ۇرەيى ۇشىپ، اشۋىن سابىرعا جىعىپ بەرىپ وتىرعان حالىق بءىر ەمەس ەكى رەت سوزىنەن تايعان ءمينيستردىڭ بۇل ارەكەتىنەن كەيىن ەلىمىزدىڭ مەديتسيناسىنىڭ سەنىمدى قولدا ەكەندىگىنە كۇماندانا باستاعانداي.
ايجان پەردەبەكقىزى،
«ادىرنا» ۇلتتىق پورتالى
