مينسك ماڭىندا جالدامالى رەسەيلىكتەر ۇستالدى

1796

29 شىلدەگە قاراعان ءتۇنى مينسك ماڭىندا شەتەلدىك جەكە اسكەري كومپانيانىڭ 30-عا جۋىق وكىلى ۇستالدى. بۇل تۋرالى بەلتا رەسمي اگەنتتىگى حابارلادى. تاعى بىرەۋى ەلدىڭ وڭتۇستىگىندە ۇستالدى.

اگەنتتىكتىڭ حابارلاۋىنشا، بۇل كومپانيا جاك (جەكەمەنشىك اسكەري كومپانيا) ۆاگنەر. ۇستالعانداردىڭ بارلىعى - رەسەيلىكتەر (اگەنتتىك ولاردىڭ اتى-ءجونىن جاريالادى).

قۇقىق قورعاۋ ورگاندارى بۇعان دەيىن پرەزيدەنت سايلاۋى تاياعاندا جاعدايدى تۇراقسىزداندىرۋ ءۇشىن بەلارۋسقا 200-دەن استام سودىردىڭ كەلگەنى تۋرالى اقپارات العانىن ايتتى (بۇلاردان باسقا سودىرلاردىڭ بار-جوعى بەلگىسىز). جاڭادان كەلگەندەر مينسكىدەگى قوناق ۇيلەردىڭ بىرىنە قونىستانعان، سودان كەيىن مينسك اۋماعىنداعى ساناتوريگە كوشكەن.

«ساناتوري اكىمشىلىگىنىڭ ايتۋىنشا، جاڭادان كەلگەندەردىڭ مىنەزى مەن ءوزىن-ءوزى ۇستاۋى رەسەيلىك تۋريستەرگە ۇقسامايتىن جانە اسكەري ۇلگىدەگى كيىمدەرى بىردەن نازار اۋدارتتى. ولار الكوگول ءدى ىشىمدىك، ويىن-ساۋىق مەكەمەلەرىنە بارمادى، وزدەرىن بولەك ۇستادى، وزدەرىنە نازار اۋدارتپاۋعا تىرىستى. ولار ءساناتوريدىڭ اۋماعى مەن اينالاسىن مۇقيات زەرتتەگەن»، - دەلىنگەن اگەنتتتىك حابارلاماسىندا.

جاك ۆاگنەر - بۇل سيريا مەن ۋكرايناداعى اسكەري قاقتىعىستارعا قاتىسقان رەسمي ەمەس قارۋلى قۇرىلىم. وعان قارسى اقش سانكتسيالار سالعان.

ازىرگە بەلارۋستىڭ كۇشتىك قۇرىلىمدارى، سونداي-اق رەسەي بيلىگى تاراپىنان رەسمي پىكىرلەر بولعان جوق. Sputnik حابارلاعانداي، رەسپۋبليكانىڭ تەرگەۋ كوميتەتى بۇل اقپاراتتى راستامادى نەمەسە جوققا شىعارمادى.

بۇرىن ربك اتاپ وتكەندەي، بەلارۋس پرەزيدەنتى الەكساندر لۋكاشەنكو ونىڭ سايلاۋداعى قارسىلاستارى تارتىپسىزدىكتەردى باستاۋ ءۇشىن «كوماندالار مەن سودىرلار توبىن» قۇرا الادى دەپ مالىمدەگەن ەدى.  بۇل كاسىبي اسكەري ادامدار، بانديتتەر، ارنايى دايىندىقتان وتكەن، نەگىزىنەن الەمدەگى جاك شەڭبەرلەرىندە جانە بەلگىلى ءبىر شتاتتاردا ارانداتۋلار ۇيىمداستىرىپ، ۇلكەن اقشا تابۋدا »، - دەگەن بولاتىن.

بەلارۋستاعى پرەزيدەنت سايلاۋى 9 تامىزعا بەلگىلەندى.

وسك بەس كانديداتتى تىركەدى، ونىڭ ىشىندە قازىرگى پرەزيدەنت تە بار. ەكى ادام تىركەلمەدى. بىرەۋى «بەلگازپرومبانك» اق بۇرىنعى باسقارما توراعاسى ۆيكتور باباريكو بولاتىن. لۋكاشەنكونىڭ نەگىزگى وپپوزيتسيالىق قارسىلاستارىنىڭ ءبىرى بولىپ سانالعان باباريكوعا «تابىس پەن مۇلىك تۋرالى دەكلاراتسياعا سايكەسسىزدىك»، سونداي-اق ونىڭ ۇگىت-ناسيحاتىنا شەتەلدىك ۇيىم قاتىسقان دەگەن ايىپ تاعىلدى. بيلىك سونىمەن بىرگە ونى اقشا جىمقىردى دەپ ايىپتاپ، قاماۋعا الدى، ال قۇقىق قورعاۋشىلار ونى ار-وجدان تۇتقىنى دەپ تانىدى.

وپپوزيتسيالىق كانديداتتاردى تىركەۋدەن باس تارتۋعا قارسى نارازىلىق مينسكىدە جانە باسقا دا بىرقاتار قالالاردا ءوتتى. ناتيجەسىندە پوليتسيامەن قاقتىعىس بولىپ، جۇزدەگەن ادامدار قاماۋعا الىندى.

وڭعار قابدەن، 

"ادىرنا" ۇلتتىق پورتالى

پىكىرلەر
رەداكتسيا تاڭداۋى