بۇگىن وتكىزىلگەن ۇكىمەت وتىرىسىندا نۇر-سۇلتان قالاسىنىڭ اكىمى التاي كولگىنوۆ كۆي بويىنشا جەدەل جاردەمگە جۇگىنۋ سانى قالا بويىنشا 6 ەسەگە، ياعني 500 – دەن 89- عا دەيىن ازايعانىن مالىمدەدى.
قازىرگى كۇنى قالامىزدا كوروناۆيرۋس ينفەكتسياسىن جۇقتىرعاندار سانى 10320 ادامدى قۇراپ وتىر. ولاردىڭ ىشىنەن جالپى 7260 ادام نەمەسە 70 پايىزى جازىلىپ شىقتى. ال سوڭعى ءبىر اپتادا جازىلىپ شىققانداردىڭ سانى 1563 ادام، ياعني ناۋقاستاردىڭ 25 پايىزى وتكەن اپتا ىشىندە جازىلىپ شىققان.
225 ادام قايتىس بولا، 1511 ادام ستاتسيونارلاردا ەم الۋدا. اۋىر حالدەگى ناۋقاستار سانى 54 پايىزعا ازايدى.
پرەزيدەنت تاپسىرماسىنا سايكەس ۇكىمەتتىڭ قولداۋىمەن بىرقاتار شارالار قابىلداندى. ناتيجەسىندە كارانتين ەنگىزىلگەننەن باستاپ كۆيبويىنشا جاعدايدىڭ تۇراقتانعانى بايقالادى. دەنساۋلىق ساقتاۋ ۇيىمدارىنا تۇسكەن سالماق تا ەداۋىر ازايدى. جەدەل جاردەمگە جۇگىنگەندەر تاۋلىگىنە 4300 - دەن 1600- گە دەيىن ياعني 3 ەسەگە دەيىن تومەندەدى. تەك كۆي بويىنشا جەدەل جاردەمگە جۇگىنۋ 500-دەن 89-عا دەيىن نەمەسە 6 ەسەگە ازايدى. جالپى شاقىرۋلار سانى تاۋلىگىنە 3000 - نان 1000 - عا دەيىن نەمەسە 3 ەسەگە تومەندەدى.
پنەۆمونيامەن جاتقان ازاماتتار سانى 2 ەسەگە نەمەسە 1348 - دەن 633- گە دەيىن ازايدى. ستانتسيونارلاردىڭ جۇكتەمەسى 99 پايىزدان 38پايىزعا تومەندەدى. رەانيماتسيياداعى پاتسيەنتتەر سانى 57 پايىزعا ازايدى.
ەگەر بۇرىن اۋرۋحاناعا ءبىر تاۋلىكتە 500-گە جۋىق پاتسيەنت تۇسەتىن بولسا, قازىر ولاردىڭ سانى 90 ادامدى قۇرايدى.
مەديتسينالىق قۇرال جابدىقتار بويىنشا: اۋرۋحانالارعا قوسىمشا 500 ارنايى جابدىقتالعان توسەك-ورىندار, 350 وتتەگى كونتسەنتراتى، 150 فلۋومەتر جانە 2 كومپيۋتەرلىك توموگراف اپپاراتى الىندى. قوسىمشا تاعى مەديتسينالىق جابدىقتار الۋ كوزدەلۋدە. كومپيۋتەرلىك توموگرافيا ارقىلى تۇرعىنداردى تاۋلىك بويى تەكسەرۋ جۇرگىزىلۋدە. ناتيجەسىندە ستانتسيونارلارعا تۇسكەن سالماق ەداۋىر ازايدى.
مەديتسينالىق كادرلار بويىنشا قالاداعىمەديتسينالىق كوللەدجدەردەن 275 جاس مامان ەمحانالارعا جۇمىسقا ورنالاستى، مەديتسينالىق ۋنيۆەرسيتەتتەن 300 ستۋدەنت جۇمىلدىرىلدى.جالپى العاندا مەديتسينالىق وقۋ ورىندارىنان 500 دەن استام جاس ماماندار تارتىلدى.
دارىحانالىق جەلىلەردىڭ ديستريبيۋتەرلەرىنە لوگيستيكا, دارىلەرءدى ساتىپ الۋ جانە قالاعا جەتكىزۋ ءراسىمدەرىن جەڭىلدەتۋ ماسەلەلەرى بويىنشا قولداۋ كورسەتىلۋدە. سونىمەن قاتار ديستريبيۋتەرلەرگەءدارى - دارمەك ساتىپ الۋ ءۇشىن اينالىم قاراجاتى ءبولىندى.
12 شىلدەدەن باستاپ نۇر-سۇلتانعا رەسەي، تۇركيا، ءۇندىستان، بەلورۋس ەلدەرىنەن س ۇرانىسقا يە 110 توننا نەمەسە 4,5 ميلليون قاپتاما فارماكولوگييالىق پرەپاراتتار جەتكىزىلدى.
بۇل دءارى - دارمەكتەر ءدارىحانالاردىڭ ءىرى جەلىلەرىنە تەڭدەي ءبولىندى, قازىرگى كۇنى شامامەن 1 ايعا جەتەتىن قور قالىپتاستى.
جوسپارلى مەديتسينالىق كومەككە كەلەتىن بولساق، بءىر اپتا بۇرىن 3 اۋرۋحانا اتاپ ايتقاندا، 1 جانە 2 كوپسالالى قالالىق بالالار اۋرۋحاناسى، 2 كورسالالى اۋرۋحانا جوسپارلى مەديتسينالىق كومەك كورسەتۋدى باستاپ كەتتءى.
تاعى ءبىر ستانتسيوناردا كۆي تىركەلگەن سوڭعى پاتسيەنت جازىلىپ شىقتى. جاقىن كۇندەرى بۇل ستانتسيونار ءوز پاتسيەنتتەرىنە جوسپارلى تۇردە قابىلداۋدى باستايدى.
3 تامىزدان باستاپ بارلىق قالالىق ەمحانالار جوسپارلى مەديتسينالىق كومەك كورسەتۋدى قولعا الادى. تامىزدىڭ 15-نە دەيىن بىرتىندەپ بوساپ جاتقان ستانتسوينارلاردىڭ ەسەبىنەن اۋرۋحانالاردىڭ ءوز جۇمىستارىنا قايتا ورالۋلارىن جوسپارلاپ وتىرمىز. بىراق ينفەكتسيالىق جانە پروۆيزورلىق ستانتسيونارلار قاجەت جاعدايدا جەتكىلىكتى ورىندارىمەن قايتا اشىلۋعا دايىن بولادى. جانە رەزەرۆتە قوسىمشا وبەكتىلەر دايىندالعان.
كارانتيننەن كەيىنگى ىندەتپەن كۇرەسۋ ءىس شارالارىنا كەلسەك, ءبىرىنشىدەن، تۇرعىندار اراسىندا قاتاڭ كارانتيندىك شارالاردى ساقتاۋ كەرەكتىگى تۋرالى ءتۇسىندىرۋ جۇمىستارى جۇرگىزىلە بەرەدى.
ەكىنشىدەن, قوعامدىق كولىكتە جانە حالىق كوپ جينالاتىن ورىنداردا ماسكاسىز ادامداردىڭ كىرۋىنە رۇقسات بەرىلمەيدى.
ۇشىنشىدەن, ادام كوپ جينالاتىن ورىندار,ۇيىمدار مەن مەكتەپتەردە، مەكەمەلەردە، اراقاشىقتىقتى ساقتاۋ بەلگىلەرى مەن سانيتايزەرلەردى قويۋ مىندەتى تالاپ ەتىلەدى.
وسى قاراپايىم ششارالاردى ساقتاساق ءىندەتتى جۇقتىرۋ الۋ قاۋپى ازاياتىنىنا سەنىمدىمىز.
“ادىرنا” ۇلتتىق پورتالى
