بۇگىنگى سانىمىمىزدا اقتوبە وبلىسى، مۇعالجار اۋدانى، قاندىاعاش قالاسىندا اتقارىلعان شارالارمەن تانىساتىن بولامىز.
اباتتاندىرۋ جۇمىستارى
"جۇمىسپەن قامتۋدىڭ جول كارتاسى" باعدارلاماسى اياسىندا اباتتاندىرۋ جۇمىستارى جۇرگىزىلۋدە. وسىنىڭ نەگىزىندە قاندىاعاش قالاسىنداعى ت.بايكۋنوۆ كوشەسى ء№71ۇيدىڭ اۋلاسىن اباتتاندىرۋعا 52 725,0 مىڭ تەڭگە قارجى ءبولىندى. بۇل باستاما بويىنشا مىنا شارۋالار جوسپارلانۋدا:
● ءۇيدىڭ اۋلاسىن تازارتىپ، تەگىستەۋ;
● ۇيلەرگە كىرەبەرىس جولىن، كولىكتى قويۋ ورنىن جانە جاياۋ جۇرگىنشىلەر جولىن جوندەۋدەن وتكىزۋ;
● سپورتتىق جانە بالالار ويىن الاڭدارى سالۋ.
اباتتاندىرۋعا جۇمىسپەن قامتۋ ورتالىعى ارقىلى 7 ادام جۇمىسقا تارتىلعان.
جول سالۋ
ەمبى قالاسىنىڭ ز.برالوۆ، ەسەت باتىر جəنە ج.ءƏمىروۆ كوشەلەرىنە ۇزىندىعى 2700 مەترلىك جاياۋ جۇرگىنشىلەر جولى (تروتۋارلار) مەن درەناجدىق ارنالار سالىنىپ جاتىر. ماۋسىم ايىندا باستالعان جۇمىسپەن "KND Construction" جشس-ءى اينالىسۋدا.
ينفراقۇرىلىم
ەمبى قالاسىندا كارىز جۇيەسىنىڭ سۋلارىن تازارتاتىن بيولوگيالىق تازارتۋ عيماراتىنىڭ قۇرىلىس جۇمىستارى جۇرگىزىلۋدە. جوبانى جۇزەگە اسىرۋ 2019 جىلى باستالعان. تۇرمىستىق سۋلاردى اعىزۋعا جəنە زالالسىزداندىرۋعا ارنالعان، جابدىقتارمەن جاراقتاندىرىلعان جەر استى ينجەنەرلىك جۇمىستارى 2021 جىلى اياقتالادى دەپ كۇتىلۋدە.
قۇرىلىس
قاندىاعاش قالاسىنداعى "سامال" مولتەك اۋدانىندا "رەگيون سەرۆيس اقتوبە" جشس-ءىنىڭ باسشىلىعىمەن سەگىز پəتەرلى ءۇش جالدامالى كوممۋنالدىق تۇرعىن ءۇي قۇرىلىسى جۇرگىزىلۋدە. قۇرىلىس جۇمىستارى 2019 جىلى باستالىپ، اعىمداعى جىلدىڭ تامىز ايىندا كونستيتۋتسيا كۇنىنە وراي پəتەرلەردىڭ كىلتىن تابىستاۋ جوسپارلانۋدا.
ەمبى قالاسىنىڭ ن.بەكەنباەۆ كوشەسىنە كوپ سالالى سپورت الاڭى سالىنۋدا. كوپ سالالى سپورت الاڭىندا شاعىن فۋتبول جانە باسكەتبول الاڭدارى بوي كوتەرمەك. ارنايى جارىقتاندىرىلىپ دايىن بولعاننان كەيىن بەلگىلى ءبىر مەكەمەگە بەكىتىلىپ بەرىلەدى. قازىرگى تاڭدا سپورت الاڭىنا تەمىر قورشاۋ جۇمىستارى جۇرگىزىلۋدە. قۇرىلىس جۇمىستارىمەن "تەحمونتاج-استانا" جشس-ءى اينالىسۋدا.
جوندەۋ جۇمىستارى
1. باعدارلاما اياسىندا مەكتەپتەردى كۇردەلى جوندەۋدەن وتكىزۋ دە قاراستىرىلعان. ەمبى قالالىق №2 جالپى ءبىلىم بەرەتىن ورتا مەكتەبىندە 2019 جىلى باستالعان جۇمىستار اعىمداعى جىلدىڭ شىلدە ايىندا تولىق اياقتالادى دەپ كۇتىلۋدە. جوندەۋ جۇمىستارىنا "اليحان-ويل ز" جشس-ءى جاۋاپتى. قۇرىلىس ورنىندا قىزمەت اتقارىپ جاتقان جۇمىسشىلاردىڭ 50% اۋداندىق جۇمىسپەن قامتۋ ورتالىعى ارقىلى كەلگەن.
2. "جۇمىسپەن قامتۋدىڭ جول كارتاسى" باعدارلاماسى اياسىندا قاندىاعاش قالاسىنداعى بالالار جانە جاسوسپىرىمدەر سپورت مەكتەبىنە قاراستى 500 ورىندىق ستاديون جوندەۋدەن وتۋدە. "تەحنو س" جشس-ءىنىڭ باسشىلىعىمەن جۇرگىزىلىپ جاتقان جوندەۋ جۇمىستارى مامىر مەن قىركۇيەك ايلارى ارالىعىنا جوسپارلاندى. جوبا بويىنشا جالپى كولەمى 450 شارشى مەتر ستاديوندا جۇگىرۋ الاڭى، مەتال كونسترۋكتسيادان تريبۋنا سالىنىپ، فۋتبول الاڭى تولىقتاي جاڭارتۋدان وتپەك. بۇگىنگى تاڭدا قۇرىلىس باسىندا 22 ادام جۇمىس جاساۋدا. "تەحنو س" جشس-ءنىڭ تاراپىنان 11 جۇمىسشى جانە اۋداندىق جۇمىسپەن قامتۋ ورتالىعىنان 11 ادام جۇمىسقا تارتىلدى
3. "گوار" جشس-ءى جۇرىن اۋىلىنداعى باتپەنوۆ كوشەسىنىڭ ۇزىندىعى 1 كم 700 مەتر بولاتىن جولدا جوندەۋ جۇمىستارىن جۇرگىزۋدە.
4. "جۇمىسپەن قامتۋدىڭ جول كارتاسى" باعدارلاماسى اياسىندا قاندىاعاش قالالىق 4 جالپى ءبىلىم بەرەتىن ورتا مەكتەبىندە "قازسترويماگنۋم" جشس-ءىنىڭ جەتەكشىلىگىمەن كۇردەلى جوندەۋ جۇمىستارى جۇرگىزىلۋدە. قۇرىلىس جۇمىستارىن جۇرگىزۋدە. قۇرىلىس جۇمىستارىنا 43 ادام تارتىلعان. ونىڭ ىشىندە 22-ءسى اۋداندىق جۇمىسپەن قامتۋ ورتالىعى ارقىلى الىنعان.
باسقا ەلدى مەكەندەردە دە جۇمىس قارقىنى ءدال وسىلاي جۇرەتىن بولسا، مەملەكەتتىك باعدارلامالار بەلگىلەنگەن ماقساتتارعا كوپ ۇزاماي جەتەرى ەدى. كەيبىر باعدارلامالاردىڭ ءوز ۋاقىتىندا ورىندالماي جاتقانى جەرگىلىكتى ورگانداردىڭ وڭتايلى جۇمىس اتقارماۋىنان دا بولۋى مۇمكىن. ناتيجەلى جۇمىسى ارقىلى وزگە اۋداندارعا ۇلگى بولعان مۇعالجار اۋدانىنىڭ باسشىلىعىنا قىزمەتتە تابىستى بولۋىن تىلەيمىز!
“ادىرنا” ۇلتتىق پورتالى
Басқалармен бөлісе отырыңыз
