42 500 تەڭگە: تۇرعىنداردان 1 ملن 730 مىڭ ءوتىنىش ءتۇستى

2250
Adyrna.kz Telegram

ەڭبەك جانە حالىقتى الەۋمەتتىك قورعاۋ مينيسترلىگى 22 شىلدە كۇنگى ساعات 9.00-گە  دەيىن 42 500 تەڭگە مولشەرىندە بىرجولعى تولەم تاعايىنداۋعا ەل تۇرعىندارىنان  1 ميلليون 730 مىڭ ءوتىنىش قابىلدانعانىن حابارلادى. 

ءبىر جولعى تولەم 1 ميلليون  309 مىڭ ادامعا تاعايىندالدى. اقشالاي قاراجات 1 ميلليون 122 مىڭ قازاقستاندىققا اۋدارىلدى.

مەملەكەتتىك الەۋمەتتىك ساقتاندىرۋ قورىنان تولەم الۋعا وتىنىمدەر بىرنەشە ارنالار ارقىلى قابىلدانادى. 1 ميلليون 730 مىڭ ءوتىنىمنىڭ ىشىندە:

- 782,87 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى;

- 423 مىڭ ادام Egov.kz پورتالى جانە telegram-بوتتار ارقىلى;

- 146,1 مىڭ ادام  42500.enbek.kz پورتالى ارقىلى;

- 378 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.

ازاماتتاردىڭ ساناتتارى بولىنىسىندە:

- 782,87 مىڭ ءوتىنىش بىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا);

- 92,86 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى;

- 854,4 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر; جەكە پراكتيكامەن اينالىساتىن ادامدار; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).

ەسكە سالايىق، مەملەكەت باسشىسىنىڭ تاپسىرماسى بويىنشا 2020 جىلدىڭ شىلدە ايىندا كارانتيندىك شارالاردىڭ ەنگىزىلۋىنە بايلانىستى جۇمىس ىستەپ جاتقان قازاقستاندىقتارعا تابىسى تولىق جوعالعان جاعدايدا ءبىر ەڭ تومەنگى جالاقى - 42 500 تەڭگە مولشەرىندە بىرجولعى تولەم تولەنەتىن بولدى.

تولەم الۋ شارتتارى سىلتەمەدە حابارلانعان.

ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.

"ادىرنا" ۇلتتىق پورتالى

پىكىرلەر