42 500 teńge: Turǵyndardan 1 mln 730 myń ótinish tústi

2249
Adyrna.kz Telegram

Eńbek jáne halyqty áleýmettik qorǵaý mınıstrligi 22 shilde kúngi saǵat 9.00-ge  deıin 42 500 teńge mólsherinde birjolǵy tólem taǵaıyndaýǵa el turǵyndarynan  1 mıllıon 730 myń ótinish qabyldanǵanyn habarlady. 

Bir jolǵy tólem 1 mıllıon  309 myń adamǵa taǵaıyndaldy. Aqshalaı qarajat 1 mıllıon 122 myń qazaqstandyqqa aýdaryldy.

Memlekettik áleýmettik saqtandyrý qorynan tólem alýǵa ótinimder birneshe arnalar arqyly qabyldanady. 1 mıllıon 730 myń ótinimniń ishinde:

- 782,87 myń adam proaktıvti formatta tólem taǵaıyndaýǵa kelisim berdi;

- 423 myń adam Egov.kz portaly jáne telegram-bottar arqyly;

- 146,1 myń adam  42500.enbek.kz portaly arqyly;

- 378 myń adam ekinshi deńgeıdegi bankterdiń mobıldik qosymshalary men ınternet-resýrstary arqyly ótinish bergen.

Azamattardyń sanattary bólinisinde:

- 782,87 myń ótinish biryńǵaı jıyntyq tólem tóleýshilerden berildi (proaktıvti formatta);

- 92,86 myń ótinishti jaldamaly qyzmetkerleri úshin jumys berýshiler berdi;

- 854,4 myń ótinish azamattardyń basqa sanattarynan kelip tústi (jeke kásipkerler; jeke praktıkamen aınalysatyn adamdar; azamattyq-quqyqtyq sıpattaǵy sharttar boıynsha tabys alatyn jeke tulǵalar).

Eske salaıyq, Memleket basshysynyń tapsyrmasy boıynsha 2020 jyldyń shilde aıynda karantındik sharalardyń engizilýine baılanysty jumys istep jatqan qazaqstandyqtarǵa tabysy tolyq joǵalǵan jaǵdaıda bir eń tómengi jalaqy - 42 500 teńge mólsherinde birjolǵy tólem tólenetin boldy.

Tólem alý sharttary siltemede habarlanǵan.

Ótinish qabyldaý 2020 jyldyń 1 qyrkúıegine deıin jalǵasady.

"Adyrna" ulttyq portaly

Pikirler