بەلگىلى جازۋشى قۇديار ءبىلال مۇحتار شاحانوۆتىڭ جاعداي جاقسى ەكەنىن ايتىپ، حالىققا ءسۇيىنشى حابار جەتكىزدى.
ء"سۇيىنشى حابار!!!
قازىر عانا مۇحتار شاحانوۆ اعامىزعا جولىعىپ قايتتىق. اۋرۋحانا قالانىڭ سىرتىندا. ىشكە كىرگىزبەيدى. مۇحتار اعامىزبەن تەرەزە سىرتىنان تىلدەستىك. جاعدايى جاقسى. دارىگەرى: "ەكى-ءۇش كۇندە شىعارىپ قالامىز", - دەدى. سوسىن ءوز تىلىندە مۇحاڭ اۋرۋىنىڭ مولشەرلىك دەڭگەي كورسەتكىشىن ايتىپ شىقتى. ءبىز ءوز تاراپىمىزدان: "ول قانشا بولۋى كەرەك ەدى؟", - دەپ سۇرادىق.
بىلگەنىمىز، مۇحاڭدىكى سول قالىپتى دەڭگەي شاماسىندا ەكەن. دارىگەر دە قازاق قوي، ول دا: "الەۋمەتتىك جەلىدە ايتىلىپ جاتقان اڭگىمەلەرى ءبىز دە ەستىدىك. سوندىقتان دارىگەر رەتىندە ايتامىن. مۇحتار شاحانوۆتىڭ جاعدايى وتە جاقسى. مەنىڭ وسى ءسوزىمدى حالىققا جەتكىزىڭىز", - دەدى. مەن دارىگەر قارىنداسىما: "مۇحاڭدى جاقىنداۋ جەردەن سۋرەتتكە تارتىپ بەرىڭىزشى", - دەپ ءوتىنىش جاسادىم.
مۇحاڭ ءوزىن سۋرەتكە تۇسىرەتىنىن بىلگەندە شاشىن تاراقتاپ، رەتتەلە باستادى.
جالپى اۋرۋحانادان وسىنداي قۋانىشتى كوڭىل اۋانىندا قايتتىق. بارشاڭىزعا راحمەت، تىلەۋلەس اعايىن!", - دەدى قۇديار ءبىلال.
بۇعان دەيىن اقىن توڭىرەگىندە الىپ-قاشپا اڭگىمەلەر بولعان ەدى.
