"جانازاعا بارماڭىزدار". قايرات جولدىبايۇلى حالىققا ۇندەۋ جاسادى (ۆيدەو)

3201
Adyrna.kz Telegram

بەلگىلى ءدىنتانۋشى قايرات جولدىبايۇلى قازاقستاندىقتارعا وسىنداي ۇندەۋ جاساپ، جاقىنىنان ايىرىلعان قازاقستاندىقتارعا تۋىستارىنا "سىزدەردى تۇسىنەمىز، جانازاعا كەلمەي-اق قويىڭىزدار" دەپ ايتۋىن سۇرادى.

 

"ارداقتى اعايىندار! قازىرگى ىندەتكە بايلانىستى مەن سىزدەرگە ماڭىزدى ءبىر ۇندەۋ تاستاعىم كەلىپ وتىر. جانازا كوبەيدى. كۇن سايىن قارالى حاباردى ەستىپ، جۇرەگىمىز اۋىرىپ، كوڭىلىمىز قۇلازىپ، قابىرعامىز قايىسۋدا. وكىنىشكە وراي، ءالى كۇنگە دەيىن اۋىل-اۋىلدا، ءتىپتى قالالاردا قۇدالىق سياقتى توي-تومالاق ءالى ۇزىلمەي تۇر، جالعاسىپ جاتىر. سونى دوعارىڭىزدار. بولمايدى...

سەبەبى سول قۇدالىققا، سول قۋانىشقا كەلگەن كىسىلەردىڭ اراسىنان وسىناۋ دەرتكە شالىنىپ، قانشاما ادام مىنا دۇنيەمەن قوشتاسىپ جاتىر. سوندىقتان تويدى، تومالاقتى، قۇدالىق سياقتى راسىمدەردى دوعارىڭىزدار. قازىر جانازا كوپ، قۇرمەتتى اعايىندار، ەت جاقىنى بولماساڭىزدار، جانازا راسىمدەرىنە بارماڭىزدار

"قۇرمەتتى جانازا يەلەرى، اعايىن-تۋىسقا ايتىڭىزدار: ء"بىز سىزدەردى تۇسىنەمىز، جانازاعا كەلمەي-اق قويىڭىزدار. مىنا ىندەت بىتكەننەن كەيىن، ولىمگە قاتىستى بارلىق ءراسىمدى جاسايمىز، سول كەزدە كەلەسىزدەر" دەپ ايتىڭىزدار. قۇرمەتتى اعايىندار، از عانا قازاق قىرىلىپ قالماسىن دەسەك، توي-دۋماندى، قۇدالىق سياقتى راسىمدەردى توقتاتىڭىزدار. جانازاعا بارماڭىزدار", - دەدى قايرات جولدىبايۇلى Instagram جەلىسىندەگى پاراقشاسىندا.

 

پىكىرلەر