Belgili dintanýshy Qaırat Joldybaıuly qazaqstandyqtarǵa osyndaı úndeý jasap, jaqynynan aıyrylǵan qazaqstandyqtarǵa týystaryna "sizderdi túsinemiz, janazaǵa kelmeı-aq qoıyńyzdar" dep aıtýyn surady.
"Ardaqty aǵaıyndar! Qazirgi indetke baılanysty men sizderge mańyzdy bir úndeý tastaǵym kelip otyr. Janaza kóbeıdi. Kún saıyn qaraly habardy estip, júregimiz aýyryp, kóńilimiz qulazyp, qabyrǵamyz qaıysýda. Ókinishke oraı, áli kúnge deıin aýyl-aýylda, tipti qalalarda qudalyq sııaqty toı-tomalaq áli úzilmeı tur, jalǵasyp jatyr. Sony doǵaryńyzdar. Bolmaıdy...
Sebebi sol qudalyqqa, sol qýanyshqa kelgen kisilerdiń arasynan osynaý dertke shalynyp, qanshama adam myna dúnıemen qoshtasyp jatyr. Sondyqtan toıdy, tomalaqty, qudalyq sııaqty rásimderdi doǵaryńyzdar. Qazir janaza kóp, qurmetti aǵaıyndar, et jaqyny bolmasańyzdar, janaza rásimderine barmańyzdar
"Qurmetti janaza ıeleri, aǵaıyn-týysqa aıtyńyzdar: "biz sizderdi túsinemiz, janazaǵa kelmeı-aq qoıyńyzdar. Myna indet bitkennen keıin, ólimge qatysty barlyq rásimdi jasaımyz, sol kezde kelesizder" dep aıtyńyzdar. Qurmetti aǵaıyndar, az ǵana qazaq qyrylyp qalmasyn desek, toı-dýmandy, qudalyq sııaqty rásimderdi toqtatyńyzdar. Janazaǵa barmańyzdar", - dedi Qaırat Joldybaıuly Instagram jelisindegi paraqshasynda.
