قر ءبىلىم جانە عىلىم ءمينيسترى ا.ق.ايماعامبەتوۆكە پاندەميا كەزىندە جاڭا وقۋ جىلىندا قاشىقتان ءبىلىم بەرۋگە قاتىستى شەشىم قابىلداۋدى تالاپ ەتۋگە قاتىستى ەلىمىزدىڭ مەكتەپ مۇعالىمدەرى اتىنان
ۇندەۋ
قۇرمەتتى اسحات قاناتۇلى!
Covid-19 پاندەمياسى كەزىندە قانشاما وتانداسىمىز كوز جۇمدى. اراسىندا تۋىستارىمىز دا، تانىستارىمىز دا بار. جانعا باتىپ، جۇرەكتى اۋىرتادى. ىندەتكە قاتىستى ستاتيستيكالىق مالىمەتتەردى عانا باقىلاپ وتىرعان جوقپىز، ناقتى بولىپ جاتقان جاعدايدى ءوز كوزىمىزبەن كورىپ وتىرمىز. مۇنداي جاعدايدا اتا-انا رەتىندە –بالالارىمىزدىڭ، مۇعالىم رەتىندە – وقۋشىلارىمىزدىڭ، قوعامنىڭ بەلسەندى ازاماتتارى رەتىندە – قانداستارىمىزدىڭ، جالپى ۇلتتىڭ، ادامزاتتىڭ ءومىرى مەن دەنساۋلىعى ءۇشىن الاڭداۋلىمىز!
ءتورتىنشى توقسان باستالۋعا ساناۋلى كۇندەر قالعاندا ءسىز مينيستر رەتىندە وقۋشىلاردىڭ قاشىقتان وقۋى تۋرالى شەشىم قابىلدادىڭىز. اڭدىعان دۇشپان دا، سىناعان ساراپشى دا از بولمادى. كوبىنەسە ءبىلىم سالاسىنا قاتىسى جوق تاراپتاردان وقۋ جىلىن جاز ايلارىندا جالعاستىرىپ، ناۋرىز-مامىر ايلارىندا وقۋشىلاردىڭ دەمالۋىن نەمەسە مۇلدەم ءبىلىم الۋىن توقتاتۋى تۋرالى ۇسىنىستاردى ايتىپ جاتتى. مەكتەپ مۇعالىمدەرى ءۇشىن قاشىقتان وقىتۋ – جاڭا ءارى قيىن فورمات بولعانى جاسىرىن ەمەس. وعان قاراماستىن ءبىز ءبىر-بىرىمىزگە قولداۋ كورسەتىپ، جۇمىستى جەڭىل الىپ كەتتىك. ەگەر سول ءتورتىنشى توقساندى جاز ايلارىندا مەكتەپ قابىرعاسىندا جالعاستىرۋعا قاتىستى ۇسىنىستى قولداعانىڭىزدا، قازىر جاعداي بىرنەشە ەسە قيىندايتىن ەدى (لوكداۋن كەزىندە ادامدار كوز جۇمىپ، كارانتيندىك شارالار كۇشەيتىلگەن كەزدە بالاسىن مەكتەپكە جىبەرەرۋگە دايىن تۇرعان اتا-انانى بىلمەيمىز).
ەندى جاڭا وقۋ جىلىنا قاتىستى شەشىمنىڭ قابىلدانۋىنا ساناۋلى ساعاتتار قالدى. شەشىم قابىلداماي تۇرىپ بىرنەشە نۇسقا بار ەكەنىن دە ايتتىڭىز.
مينيسترلىك مۇعالىمدەرمەن دە، ادىسكەرلەرمەن دە، ساراپشىلارمەن دە، ايتي سالاسىنىڭ ماماندارىمەن دە اقىلداسىپ، كۇندەلىكتى جينالىستار وتكىزىپ جاتىر. فەيسبۋكتە تىكەلەي ەفيرگە شىعىپ جاتىرسىز. ونى سالادان حابارى بار، كوزى اشىق جاندار كورىپ وتىر. ەستىپ وتىر. دەگەنمەن، ءالى دە ويلانۋعا بولادى!
جان-جاقتان «داۆلەنيە» كورسەتىلەتىنى تۇسىنىكتى. دەگەنمەن، ساباق بەرەتىن مۇعالىمدەر قولداۋ كورسەتۋگە، سابىرلىق تانىتىپ تاعى دا قاشىقتان جۇمىس ىستەۋگە، تاڭ اتقاننان تۇنگە دەيىن بولسا دا ەڭبەك ەتۋگە دايىن. مۇنداعى باستى ماقسات – بالالارىمىز بەن وقۋشىلارىمىزدىڭ قامى، ۇرپاقتىڭ دەنساۋلىعى.
ۇيدە وتىرعان اتا-انالار مۇعالىمنىڭ جۇمىسى قانشالىقتى اۋىر ەكەنىن سەزىندى، ءتۇسىندى. دەگەنمەن كەز-كەلگەن اتا-انا ءۇشىن بالانىڭ دەنساۋلىعى ءبىرىنشى ورىندا! ءسىز دە – اكەسىز!
قازىر ءداستۇرلى فورماتتا وقۋعا قاتىستى شەشىم قابىلدانسا – مەكتەپتەر ساتىپ الۋ راسىمدەرىن جۇرگىزىپ، قاجەتتى سانيتايزەر، كىلەمشە، تاعىسىن تاعى ساتىپ الاتىنىن ءبارى ءبىلىپ وتىر. ءتىپتى ءبىر پارتادا ءبىر بالا وتىرسا دا، ساباق سانى قىسقارتىلسا دا بالا مەكتەپتەن ۇيىنە جەتەر جولدا ءتۇرلى ناۋقاس جاندارمەن كەزىگۋى مۇمكىن نەمەس ۇيىندە اۋىرىپ جاتقان تۋىسىمەن بايلانىستا بولعان سوڭ، سىنىپتاستارىمەن ساعىنىسىپ كورىسەدى. تاۋەكەلدەر جەتەرلىك.
جوعارىدان تاپسىرما تۇسسە مەكتەپتەر سانيتارلىق جاعدايدى كۇشەيتۋگە ءاپ ساتتە دايىن بولادى. مۇعالىمدەر ۇيرەنشىكتى فورماتتا ساباق بەرىپ، قيىندىق كورمەيدى. دەگەنمەن!!!! بالانىڭ دەنساۋلىعىنا قاۋىپ تونەدى.
جاعدايدىڭ تۇراقتالعانىن كۇتەيىك. سابىر ساقتايىق. ەلىمىزدىڭ مۇعالىمدەرىنىڭ كوپشىلىگى ساباقتى قاشىقتان بەرۋگە دايىن. ءبىز ەڭبەك دەمالىسىندا بولساق تا، جاڭا وقۋ جىلىنا قامدانىپ جاتىرمىز. ەندەشە نەگە بىزگە سەنىم ارتىلماۋى كەرەك؟ نەگە بالالاردىڭ، وقۋشىلاردىڭ دەنساۋلىڭىنا قاۋىپ توندىرۋگە جاعداي جاساۋىمىز كەرەك؟ ءوز قولىمىزبەن مۇنداي قادامعا بارا المايمىز! ودان دا جۇمىسسىز، ايلىقسىز ۇيدە وتىرۋعا كونەمىز!
بۇل – جۇمىسى بىرنەشە ەسە قيىنداي تۇسسە دە، قاشىقتان ءبىلىم بەرۋگە دايىن، بالالاردىڭ قامىن ويلايتىن مۇعالىمدەردىڭ جان ايقايى!
قازىر ءبىلىم جانە عىلىم مينيسترلىگى عانا ەمەس، ينتەرنەتكە جاۋاپتى مينيسترلىكتىڭ ەسەبى تىڭدالاتىن، جۇمىسى ساراپتالاتىن كەز! تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاز بويى نە ءبىتىردى؟ الدىمىزعا شىقسىن! مەكتەپتەردى كومپيۋتەرمەن جابدىقتاۋعا اكىمدىكتەر مىندەتتى ەكەنىن ءبارى بىلەدى. اكىمدەر نە ءبىتىردى؟ تەك سالالىق مينيسترلىككە قاراپ، «پروكاتيت» دەپ وتىرعاندار ەسەپ بەرسىن! دەنساۋلىق ساقتاۋ سالاسىنداعى مامانداردىڭ كەڭەسى قايدا؟ سانيتار دارىگەرلەر نەگە ۇندەمەي وتىر؟ ءبىزدىڭ تالاپ – وسى!
وقىتا بىلەتىن مۇعالىم قانداي جاعداي بولماسىن وقىتادى! وقي بىلەتىن بالا قانداي جاعداي بولماسىن – وقيدى. كەزىندە مايشاممەن دە كىتاپ وقىعانبىز. بىراق، دەنساۋلىق ماڭىزدى. بالانىڭ دەنساۋلىعى – بولاشاعىمىزدىڭ دەنساۋلىعى.
وسى ۇندەۋدى قولدايتىن ۇستازدار، اتا-انالار، قوعام بەلسەندىلەرى لايك قويىپ، رەپوست جاساسىن! #بالام_ۇيدە_وقىسىن
قازاقستان ۇستازدارى.
قول قويۋ جالعاسۋدا
